Medısına • 07 Qazan, 2020

Almatylyq dáriger halyqaralyq FameLab-2020 baıqaýyna qatysady

20 ret kórsetildi

Osy aptada FameLab Kazakhstan ǵylymı kommýnıkasııalyq baıqaýy fınalynyń translıasııa márege jetip, oǵan otandyq 10 jas ǵalym qatysty, onyń ishinde segizi Nazarbayev University ókilderi, dep habarlaıdy Egemen.kz

Aldymen FameLab – ǵylymı kommýnıkasııa salasyndaǵy álemdik kóshbasshy baıqaý sanalatyndyǵyn alǵa tarta ketý kerek. 2005 jyldan beri ótkizilip keledi.

Jarysta baǵy janǵan Nurlan Súleımenov 750 000 teńge syılyqqa ıe bolyp qana qoımaı, halyqaralyq FameLab-2020 baıqaýyna Qazaqstannyń atynan qatysý mártebesine laıyq dep tanyldy. Ekinshi jáne úshinshi júldelerge ıe bolǵan Shohısta Ismaıljanova men Ásel Ahmetovaǵa 350 myń teńgeden tıdi. Kórermenderdiń tańdaýy boıynsha Sh.Ismaıljanova úzdik spıker atanyp, Kindle elektrondy kitabyna ıe boldy.

"Ishimdi qýanysh kernep tur! Negizi, FameLab baıqaýyna qatysý týraly sheshimge sońǵy kúni kelip, vıdeony týra sońǵy sátte jiberdim, sondyqtan fınalǵa ótemin dep kútpedim. Master-klass óte  unady. Bizge óz stılimizdi tabýǵa kómektesip, ǵylym týraly qarapaıym tilmen, ári óte qyzyqty qylyp jetkizýge bolatynyn kórsetti. Buryn maǵan tek bıologııa qyzyqty sekildi bolyp kórinetin, biraq endi qolyńnan kelse – barlyǵyn qyzyqty jetkize bilýge bolatynyn kórdim. FameLab baıqaýynyń arqasynda osyny úırengim keletinin túsindim", deıdi baıqaý jeńimpazy N.Súleımenov.

Búginge deıin Qazaqstandaǵy júzdegen jas ǵalym qatysyp úlgergen FameLab baıqaýyn «Shevron» kompanııasynyń qoldaýymen British Council (Brıtan Keńesi) besinshi jyl qatarynan  uıymdastyryp júr. Bıyl baıqaýdyń ótýine OYLA ǵylymı-kópshilik jýrnaly da qoldaý kórsetti.

Baıqaýdyń maqsaty – ǵylymdy nasıhattaý jáne ony zertteýge degen qyzyǵýshylyqty arttyrý. FameLab daryndy jas ǵalymdardy anyqtaýǵa kómektesip, olardyń kommýnıkasııalyq mashyqtaryn jetildirýge yqpal etedi.

Baıqaý fınalynyń qazylar alqasyna Ulybrıtanııanyń Qazaqstandaǵy elshi orynbasary Djonatan Leıfıld, Causaly Inc tehnıkalyq dırektory jáne negizin qalasýshy Artýr Saýdabaev jáne The Village Kazakhstan negizin qalaýshysy Aısana Ashım kirdi.

"FameLab – keremet is-shara! Brıtan Keńesi FameLab baıqaýyn 25 elde ótkizedi. Munda álemniń túkpir-túkpirinen ǵalymdar jınalyp, ǵylym jaıly sóılesip, oılary bir tustan shyǵatyn tulǵalar tyń ıdeıalarymen bólisip, ózara pikir almasady. Jeńimpaz óziniń ǵylymı kommýnıkasııalyq mashyǵyn jetildirýge, sondaı-aq tájirıbeli halyqaralyq trenerler ótkizetin master-klasqa qatysýǵa múmkindik alady", deıdi Brıtan Keńesi Ortalyq Azııa boıynsha Seriktestik bóliminiń basshysy Ben Greı.

"Biz STEM baǵytqa erekshe kóńil bólemiz, sondyqtan da FameLab baıqaýyna qoldaý kórsetemiz dep sheshtik, óıtkeni bul kúrdeli ǵylymı ıdeıalarmen bólisýdiń qarapaıym ári qyzyqty tásili", deıdi "Shevron" kompanııasynyń qoǵammen baılanys bóliminiń koordınatory Janar Qoshpanova.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar