Qasym-Jomart Toqaev pen Shavkat Mırzııoev ózara yqpaldastyqtyń joǵary deńgeıin jáne koronavırýs indetiniń saldaryn tezirek eńserý maqsatynda eki el úkimetteriniń arasyndaǵy tájirıbe almasýdy erekshe atap ótti.
Áńgimelesý barysynda taýar aınalymyn arttyrýǵa, bıznes pen aımaqtyq deńgeıdegi is-qımyldardy keńeıtýge, sondaı-aq, mádenı-gýmanıtarlyq baılanystardy nyǵaıtýǵa baǵyttalǵan birlesken jobalardy ilgeriletýge basa mán berildi.
Memleketter basshylary óńirdegi jaǵdaıǵa baılanysty pikir almasty. Qazaqstan men О́zbekstan Prezıdentteri Qyrǵyzstandaǵy ahýal eldiń Konstıtýsııasy men zańnamalyq normalaryna sáıkes tezirek turaqtanatynyna senim bildirdi.
Qasym-Jomart Toqaev Qazaqstannyń baýyrlas qyrǵyz elimen odaqtastyq baılanystardy jáne strategııalyq seriktestikti nyǵaıtýǵa erekshe mán berip otyrǵanyn aıtty.
