Bıyl toǵyz aıdaǵy qorytyndy boıynsha, ótken jylǵy osy kezeńmen salystyrǵanda qaladaǵy JKO sany 40% tómendedi, joldaǵy oqıǵalar saldarynan jaraqat alý eki ese qysqardy.
"Nur-Sultan qalasynda jalpy beınebaqylaý kameralaryn ornatý jáne QR Bas prokýratýrasynyń Quqyqtyq statıstıka jáne arnaıy esepke alý Komıtetimen birlesip anyqtalǵan qylmystyq aýlalardy baqylaýdy qolǵa alýynyń arqasynda elordada qoǵamdyq oryndarda qylmys 44% tómendegeni baıqalady", dedi Danııal Aıtkenov.
Aıta keteıik, qazirgi ýaqytta Nur-Sultanda 4000 jalpy beınebaqylaý kamerasy, qıylystarda 400 "Sergek" apparattyq-baǵdarlamalyq kesheni jáne jelilik ýchaskelerde 300 kamera ornatylyp qosylǵan. Budan basqa, jalpy qalalyq beınebaqylaý júıesine SOO, qonaq úıler, memlekettik mekemeler men basqa da uıymdardaǵy 3000 kamera qosylǵan.
Sondaı-aq, búgingi tańda "Qaýipsiz qala" jobasy iske asyrylyp jatyr. Onyń aıasynda aýlalar, áleýmettik nysandar, saıabaq aımaqtary beınebaqylaý kameralarymen qamtylady.
