Aımaqtar • 08 Qazan, 2020

Amandyq Batalov 100 jastaǵy eńbek jáne soǵys ardagerin quttyqtady

170 ret

kórsetildi

1 mın

oqý úshin

Otan soǵysynyń jáne eńbek ardageri, Qapshaǵaı qalasynyń Qurmetti azamaty Oksana Betebaeva 100 jasqa toldy. Mereıtoı ıesin osy aıtýly oqıǵamen oblys ákimi Amandyq Batalovtyń atynan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Marjan Murat pen Qapshaǵaı qalasynyń ákimi Nurlan Qumataev quttyqtap, oblys ákiminiń Qurmet gramotasyn jáne estelik syılyq tapsyrdy, - dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Marjan TILEÝBEK

Amandyq Batalov 100 jastaǵy eńbek jáne soǵys ardagerin quttyqtady

Oksana Demıdovna Ýkraınanyń Poltava oblysynda ómirge keldi. Jeti jyldyq mektepti bitirgen soń medısınalyq ýchılıshede oqydy, munan soń Petrovo-Romenskıı aýdandyq aýrýhanasynda jumys istedi. 20 jasynda 1941 jyly shildede armııa qataryna alynyp, Poltava qalasynda № 1668 áskerı gospıtalda medbıke qyzmetin atqardy.

Soǵys jyldarynda áskerı ofıser Bekejan Betebaevqa turmysqa shyqty. Soǵys bitken soń jumys jaǵdaıyna baılanysty erli-zaıyptylar Jarkent qalasyna aýysyp, bul jerde de Oksana Demıdovna óz mamandyǵy boıynsha jumysyn jalǵastyrdy. Keıin otbasy Ile kentine, odan keıin Qapshaǵaı qalasyna qonys aýdardy.

Oksana Demıdovnanyń erligi men eńbegi laıyqty baǵalanyp, II dárejeli Otan soǵysy ordenimen, Jýkov medalimen jáne basqa da kóptegen mereıtoılyq medaldarmen marapattaldy.

Qazirgi kezde Oksana Demıdovna týǵan-týystarymen birge Qapshaǵaı qalasynda turady. Ol – qala turǵyndarynyń maqtanyshy.