Kezekshi bólimge Eńbekshiqazaq aýdanyndaǵy aýyldardyń biriniń turǵynynan kóshede zorlyq-zombylyq belgileri bar máıittiń tabylǵany týraly habarlama kelip túsken. Atalǵan fakt QR QK 99-babynyń 1-bóligi (Adam óltirý) boıynsha tirkeldi.
Oqıǵa ornyna jetken jedel-tergeý toby pyshaq jaraqaty saldarynan qaza tapqan 32 jastaǵy jergilikti turǵynnyń jeke basyn anyqtady.
"Qylmysqa qatysy bar degen adamdardyń barlyǵyn teksere otyryp, Shelek PB ýchaskelik ınspektorlary 1991 jyly kisi óltirgeni úshin 15 jylǵa bas bostandyǵynan aıyrylǵan jáne aýlasynan qan izderi tabylǵan 54 jastaǵy Bıjanov aýylynyń turǵynyn ustady. Sonymen qatar onyń as úıinen qan izderi bar pyshaq ta tabyldy. Ustalǵan adam kisi óltirgenin tolyq moıyndady", deıdi Eńbekshiqazaq aýdany polısııa bóliminiń bastyǵy Talǵat Seıilhanov.
Oqıǵa bolǵan oryndy tekserý barysynda Shelek PB tergeýshisi polısııa kapıtany G.Adaktılos kásibı sheberliginiń arqasynda garajdaǵy qural-saımandar men taqtalardyń astyna jasyrylǵan, jalpy salmaǵy 2 keli 570 gramm bolatyn, esirtki zaty bar paketterdi tapty. Saraptama qorytyndysy boıynsha tabylǵan esirtki zaty "marıhýana" ekeni belgili boldy. Kúdiktige adam óltirýmen birge esirtkini zańsyz saqtady degen aıyp taǵyldy.
