Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetiniń málimetinshe, 11 qazanda 58 oqýshynyń koronavırýs juqtyrǵany rastaldy. Olardyń 34-i kezekshi topqa barǵan, al 24-i qashyqtan oqyǵan eken.
Oqýshylar arasynda juqtyrǵandardyń kóbi Rıdder jáne Altaı qalasynan bolyp shyqty. Sondaı-aq Glýbokoe aýdanynda 10 oqýshy aýrýǵa shaldyqqan.
"Eger aýdandardy alyp qarasaq, onda balalardyń kóbi Glýbokoe aýdanynda – 10 oqýshy, Kókpektide – 10 bala, sondaı-aq Shemonaıhada – 2 oqýshy, Kúrshim jáne Qaton Qaraǵaıda – bir baladan juqtyrǵan. Aýyryp qalǵandardyń kóbi qashyqtan oqyǵan", deıdi vedomstvo ókilderi.
