Brondy dóńgelekti mashınalardyń álemdik naryǵyna monıtorıng júrgizý sheńberinde Indýstrııa jáne ınfraqurylymdyq damý mınıstrligi QR QK mamandarynyń «Otokar» túrik kompanııasy shyǵarǵan 8h8 dóńgelekti formýlasy bar «Arma» BDM-nyń jaýyngerlik múmkindikterin tájirıbelik zerdeleýin uıymdastyrdy.
Mashına NATO standarttaryna sáıkes keletin joǵary utqyrlyqqa, ballıstıkalyq jáne mınaǵa qarsy qorǵaýdyń jetkilikti deńgeıine ıe. Tereńdigi 1,8 metrge deıin júzý kezinde sý kedergilerinen ótýge múmkindigi bar. Jyldamdyǵy saǵatyna 8 shaqyrymdy quraıdy. Arma ártúrli jaǵdaıda jáne qazirgi zamanǵy urys alańynda qarý-jaraq kalıbri 7,62 mm-den 105 mm-ge deıin jetetin qurylǵydan turatyn platformany beıimdeýge múmkindik beredi.
Synaqtar úshin mashınalardyń kelesi túrleri: órtti qoldaý mashınasy, tapsyrys berýshiniń talaby boıynsha jabdyqty ornatatyn barlaý mashınasy, komandalyq-shtabtyq mashına, ınjenerlik, sanıtarlyq, evakýasııalyq jáne amfıbııalyq nusqasy da usynylady.
Eń alǵashqy synaqtar 2020 jyldyń naýryz aıynda kúndizgi jáne túngi ýaqytta, Qaraǵandy oblysynyń oqý polıgonynda, uzyndyǵy 6 shaqyrymǵa deıingi baǵytta, sondaı-aq bıiktigi 30-dan 65 sm-ge deıingi qar jamylǵysyn eńsere otyryp júrgizildi. Atý synaqtary tájirıbelik atýlar júrgizý arqyly kúndizgi jáne túngi ýaqytta ótkizildi.
Jumys toby brondy dóńgelekti mashınanyń shyǵarýshylarmen usynylǵan sıpattamalarǵa sáıkes keletindigin rastaıdy.
«Otokar» kompanııasy BDM-nyń taktıkalyq-tehnıkalyq, atý jáne paıdalaný múmkindikterin jan-jaqty zerdeleý maqsatynda ony Qazaqstannyń túrli klımattyq jaǵdaılarynda tájirıbelik áskerı paıdalanýdy júrgizý úshin, onyń ishinde sý kedergilerin eńserýge tekserýdi qosa, óteýsiz negizde usynyp otyr.
Sondaı-aq, «Otokar» kompanııasy BDM-de tapsyrys berýshilerdiń talaptaryna sáıkes keletin kez kelgen jaýyngerlik modýldi ornatý boıynsha kómek kórsetýge daıyn ekendigin bildirdi.
