Onlaın-rejimde ótken saltanatty ashylý rásiminde oblys ákiminiń orynbasary Abzal Núkenov jarysqa qatysýshylarǵa sáttilik tiledi.
– Memleket basshysy bıylǵy Joldaýynda buqaralyq sportty damytýǵa aıryqsha kóńil bóldi. Sondyqtan, bizdiń onlaın-spartakıada óńirdegi buqaralyq sportty damytýǵa, salamatty ómir saltyn nasıhattaýǵa ıgi yqpalyn tıgizedi dep úmittenemiz. Spartakıadaǵa qatysýshylarǵa jasyna qaraı shekteýler qoıylmaıdy. Jarysqa tilek bildirgenderdiń bári baq synaı alady. Qatysýshylardyń barlyǵyna sáttilik tileımin, myqtylardyń mereıi ústem bolsyn! – dedi ol.
Qaraǵandy oblystyq dene shynyqtyrý jáne sport basqarmasy uıymdastyrǵan bul oblystyq spartakıada 14-18 qazan aralyǵynda sporttyń toǵyz túri boıynsha ótedi.
Oblys sportynyń basshysy Temirhan Abylaev bıylǵy dodanyń óńirdiń aýdandary men qalalary arasynda ótetinin aıtty.
– Ár aýdan jáne qala jarysty ózinde ótkizedi. Spartakıadany ótkizgennen keıin uıymdastyrýshylar barlyq sport túrleri boıynsha bas tóreshilerge tolyqqandy aqparat beredi. Sonyń qorytyndysy boıynsha jeńimpazdar men júldegerler anyqtalady. Aýdandar men qalalardyń komandalaryn marapattaý bólek ótkiziledi, – dedi oblystyq dene shynyqtyrý jáne sport basqarmasynyń basshysy.
Spartakıada jarystary shahmat, doıby, bes asyq, toǵyzqumalaq, jeńil atletıka (júgirý, ornynan sekirý), kúsh gımnastıkasy, paýerlıftıng (jatyp syǵymdap kóterý), fýtbol (doppen jonglerlik etý) jáne kir tasyn kóterý sııaqty sport túrleri boıynsha ótkizilip, dodada 2 myńǵa jýyq adam baq synamaqshy.
Aıta ketetin bir jaıt, shahmat pen doıbydan ótetin jarysta qatysýshylardyń jasyna shekteý qoıylmaıdy. Bes asyq synynda oblys turǵyndary 14 jastan, toǵyzqumalaqta 10 jastan bastap qatysý múmkindigine ıe. Jeńil atletıka jarystarynda balalar men eresekter jas mólsherlerine qaraı qatysady. Kúshtik gımnastıkada 12 jastan bastap zeınetkerlik jasyndaǵylarǵa deıin kúshterin synaı alady. Al doppen jonglerlik etý dodasyna qatysýshylar segiz jastan bastap óner kórsetedi.
Oblystyq Saryarka onlaın-spartakıadasynyń jeńimpazdary men júldegerleri arnaıy medaldarmen, dıplomdarmen jáne kýboktarmen marapattalady.
