Prezıdenttiń baspasóz qyzmeti memleket basshysy úndeýiniń tolyq mátinin jarııalady.
"Qurmetti otandastar!
Elimizdiń astanasy Bishkek qalasynda qoǵamdyq-saıası jaǵdaı kúrdeli bolyp otyr. Keshe Jogorký Kenesh Úkimet quramyn bekitti, men Qyrǵyz Respýblıkasy prezıdentiniń tıisti taǵaıyndaýlar týraly jarlyǵyna qol qoıdym. Biraq bul shıelenisken jaǵdaıdy qalpyna keltirmedi. О́kinishke qaraı, agressııa azaımaǵan.
Meniń tez arada otstavkaǵa ketýimdi talap etip jatyr. Qazirgi jaǵdaı ekijaqty qaqtyǵysqa jaqyn.
Bir jaǵynan – narazylyq bildirýshiler, ekinshi jaǵynan – quqyq qorǵaýshylar. Áskerı qyzmetkerler men quqyq qorǵaý organdary Memlekettik rezıdensııany qorǵaý úshin qarý qoldanýǵa mindetti. Mundaı jaǵdaıda qan tógiletini sózsiz. Men eki tarapty da arandatýshylyqqa berilmeýge shaqyramyn.
Qurmetti meniń otandastarym!
Men úshin Qyrǵyzstandaǵy beıbitshilik, el bútindigi, halqymyzdyń birligi men qoǵamdaǵy tynyshtyq bárinen de joǵary. Men úshin árbir otandasymnyń ómirinen asqan eshteńe joq. Men bılikke talaspaımyn. Qyrǵyzstan tarıhynda óz azamattaryna oq jaýdyryp, qan tókkizgen prezıdent retinde qalǵym kelmeıdi. Sondyqtan men otstavkaǵa ketý jóninde sheshim qabyldadym. Japarov pen basqa saıasatkerlerden óz jaqtastaryn el astanasynan alyp ketip, Bishkek turǵyndaryna beıbit ómirdi qaıtaryp berýdi suraımyn. Eshqandaı bılik elimizdiń bútindigi men qoǵamdaǵy tatýlyqtan artyq emes. Barlyǵyńyzdy Táńir qoldasyn, týǵan jerimizde beıbitshilik pen tynyshtyq bolsyn", delingen úndeýde.
