Belgili synshy Amangeldi Keńshilikuly bastaǵan qazylar alqasy Rahymjan Otarbaevtyń shyǵarmashylyǵyn arqaý etken otyzdan astam jumysty saralaı kelip, eki janr boıynsha úzdikterdi anyqtady.
Proza janry boıynsha I oryn – Almaz Myrzahmetke (1 000 000 teńge), II oryn – Serjan Sársenbaıǵa (500 000 teńge), III oryn – Balnur Qyzyrbekqyzyna, Marat Ázimhanǵa jáne Dosbol Islamǵa (300 000 teńge) buıyrdy. Al, dramatýrgııa janry boıynsha qazylar alqasy túsken jumystardyń kóbiniń áli de bir qaınaýy ishinde ekenin eskere otyryp, Aızat Qadyrálıevany jeńimpaz dep tanydy. Sondaı-aq Rahymjan Otarbaev atyndaǵy arnaıy syılyq Aınur Tóleýge (500 000 teńge) tabystaldy.
Al yntalandyrý syılyqtaryna A.Raqysh, A.Úseıinova, A.Naımanbaı, M.Tólegenov, A.Aqbolatov, R.Sultanǵalıev, J.Ýtesheva ıe boldy.
Jıynnyń betashar sózin alǵan Atyraý oblysy ákiminiń orynbasary Baqytgúl Hamenova:
"Qazaqta qanaty bútin qyran joq, tuıaǵy bútin tulpar joqtyǵy anyq. О́kinishke qaraı, Rahymjan Otarbaevtyń ómirden ótkenine de mine, eki jyldan asypty. Qarymdy qalamgerdiń joqtaýshysy joq emes: týǵan jeri, altyn besigi Atyraýdyń el-jurty Rahymjan aǵamyzdyń murasyn umytpaıdy. Buǵan Rahymjan Otarbaev atyndaǵy halyqaralyq teatr festıvaliniń ótýi, basqa da sharalardyń qolǵa alynýy jáne búgingi baıqaý da dálel bola alady. Bul rette jazýshynyń jary, sońyndaǵy shyraqshysy Sáýle Otarbaevanyń eńbegin erekshe atap ótý kerek. Búgingi qorytyndylanyp otyrǵan ádebı syn baıqaýy da rahymjantanýdyń jańa bir paraǵyn ashady dep oılaımyz. Barsha qonaqtar men qatysýshylarǵa oblys ákimi Mahambet Joldasqalıulynyń atynan rızashylyǵymyzdy bildiremiz", dep, Rahymjan Otarbaevtyń keler jylǵy sharalary keń aýqymda ótkiziletinin atap ótti.
"Bul – bizdiń ádebı syn janryndaǵy alǵashqy bastama baıqaýymyz. Birinshi tájirıbe bolǵan soń qobaljydyq. Kelip túsken eńbekter týraly aıtatyn bolsam, biz oılaǵandaı belgili, qalyptasqan synshylar kóp qatysqan joq. Kóbine mektep muǵalimderi atsalysty. Olardyń eńbekteri synshylyq deńgeıdegi emes, oqyrman áserindegi ǵana dúnıe boldy. Alaıda, qaraǵandylyq jas jazýshy Almaz Myrzahmettiń maqalasy qazylar alqasynyń kóńilinen shyǵyp, birinshi orynǵa birden bir laıyqty dep sanadyq", degen Sáýle Otarbaeva Atyraý oblysy ákimdigine zor alǵysyn bildirdi.
Elimizdegi epıdemıologııalyq ahýalǵa baılanysty marapattaý rásimine qazylar alqasy men yntalandyrý alǵan jeńimpazdar qatysqan joq. Degenmen, ádebı baıqaýǵa atsalysqan avtorlardyń deńgeıi men júlde alǵan syn maqalalardyń ereksheligin qazylar alqasynyń tóraǵasy Amangeldi Keńshilikulynan surap kórdik.
"Báıgege atyn qosyp, baǵyn synaǵandardyń kóbi Rahymjan Otarbaevtyń prozasyn taldaýǵa qatty yqylas tanytty. Jas mólsheriniń shektelýine baılanysty ádebıette jaqsy maqalalarymen kórinip júrgen kásibı synshylar baıqaýdan syrt qaldy. О́ıtkeni bul baıqaýdyń negizgi maqsaty – jastardy qoldaý boldy. Degenmen, óz basym bul shekteýge kelise almaımyn. Synshylyq degen adamnyń otyz-qyryq jasynda ǵana kásibı bola bastaıdy», dep pikir bildirgen Amangeldi Keńshilikuly birinshi oryn ıegeriniń maqalasyna toqtala kele: "Prozalyq týyndylardy taldaǵan jaqsy materıaldar kóp tústi. Ádebı synǵa qaraǵanda kópshiligi ǵylymı baǵytta jazylǵan. Degenmen, aqyldasa kele Almaz Myrzahmettiń "Rahymjan Otarbaevtyń "Bas" romanyndaǵy arhetıptik jeliler" degen maqalasyn eń úzdik dep sheshtik. Avtor jazýshy romanyn taldaý ústinde óte kóp izdengen. Mysaly, bizdegi ádebı synda professıonaldyq syn jetispeıdi. Meniń tańǵalǵanym, Almaz Myrzahmet kásibı túrde óte jaqsy taldaǵan. Taqyrybyn jan-jaqty egjeı-tegjeıli zerttep, romannyń qurylymdyq ereksheligin saralaǵan. Keleshekte Rahańnyń shyǵarmashylyǵyn álem oqyrmandaryna tanystyrý kerek bolsa, Almastyń osy taldaý maqalasyn shet tiline aýdarý kerek. Bizdiń úlken kemshiligimiz – aýdarma máselesinde biz tek shyǵarmalardy ǵana alǵy shepke qoıamyz. Negizinde qazaq avtorlary týraly syn maqalalardy da aýdarǵan jón dep bilemin", dep qorytyndylady.
Aıta keteıik, shara barysynda qarjylaı qory 500 000 teńgeni quraıtyn Rahymjan Otarbaev atyndaǵy stıpendııa ıegerleri de marapattaldy (Baqytgúl Sármekova, Aıjan Tabarakqyzy, Samǵar Turarbek). Sondaı-aq Rahymjan Otarbaevtyń qos kitaby – Berlındegi "Dagıelı" baspasynan hám Bakýden jaryq kógen "Bas" romanynyń tusaýkeseri ótti. Atalǵan ádebı sharalar 19 qazan – jazýshy Rahymjan Otarbaevtyń týǵan kúni aıasynda uıymdastyrylyp otyr.
