Veterınarlyq qyzmet mamandary patologııalyq materıaldan synamalar alyp, Nur-Sultan qalasyndaǵy veterınarlyq zerthanaǵa jetkizdi. Zertteý nátıjeleri boıynsha joǵary patogendi qus tumaýy anyqtalǵan.
"О́lgen qustar arnaıy belgilengen jerde órtelip joıyldy. Baskól aýyldyq okrýgi ákiminiń № 11 qaýlysy shyǵyp, 21 táýlikke karantın rejimi engizildi. Qaýlyǵa sáıkes eldi mekenderden shyǵýǵa, qus ónimderin eksporttaýǵa shekteý qoıyldy", delingen habarlamada.
Eske sala keteıik, jalpy Besqaraǵaı aýdanynda 25800 qus tirkelse, onyń 1245-i Baskól aýylynda. Ol aımaqta qustarǵa vaksına salynǵan.