Qazaqstan • 20 Qazan, 2020

Antikor SQ-Farmasııa qyzmetiniń "qaıta júktelýin" súıemeldeýde

23 ret kórsetildi

"SQ-Farmasııa" JShS basqarma tóraǵasy Erhat Esqalıev Sybaılas jemqorlyqqa qarsy qyzmettiń apparattyq keńesinde aǵymdaǵy jyldyń shilde-tamyz aılarynda jurtshylyq pen sarapshylardy tarta otyryp júrgizilgen sybaılas jemqorlyq táýekelderin syrtqy taldaý qorytyndylary boıynsha usynymdardy oryndaýdyń aralyq nátıjeleri týraly baıandady, dep habarlaıdy Egemen.kz

Kompanııa COVID-19 pandemııa jaǵdaıynda medısınalyq uıymdardy dári-dármektermen jáne medısınalyq buıymdarmen  qamtamasyz etý tıimdiligin aıtarlyqtaı tómendetken máseleler keshenin joıýǵa baǵyttalǵan qyzmetti "qaıta júkteý" baǵdarlamasyn qarqyndy iske asyrýda.

Atap aıtqanda, Antıkor taldaý aıasynda josparlaý júıesiniń jetilmegendigine, adamı faktordyń satyp alý júıesine yqpalyna, uzaq merzimdi jetkizý sharttaryn iske asyrý kezindegi táýekelderge, logıstıka júıesindegi kemshilikterge, gýmanıtarlyq kómek alý jáne bólý tetiginiń jetilmegendigine, ishki baqylaý tetigindegi olqylyqtarǵa, kadr saıasatyndaǵy táýekelderge jáne joǵary ákimshilik shyǵyndarǵa nazar aýdardy.

Anyqtalǵan jemqorlyq táýekelderin joıý jónindegi is-sharalar jospary azamattyq qoǵamnyń 20-dan astam ókiliniń, onyń ishinde Rahym Oshaqbaevtyń, Ámir Súleımenovtiń, Saıd Taýkelovtyń qatysýymen iske asyrylýda.

Satyp alýdy jetildirý bóligindegi negizgi basymdyq olardyń elektrondyq formatqa tolyq kóshýine, sondaı-aq tenderlik rásimderdi avtomattandyrýǵa baǵyttalǵan. Atap aıtqanda, olardy ótkizý merzimin 45 kúnnen 25 kúnge deıin azaıtý jáne áleýetti jetkizýshiler usynatyn tenderlik qujattamanyń sanyn 15-ten 2-ge deıin qysqartý josparlanýda. 

Jeke baǵyt – kompanııanyń aqparattyq júıelerin emdeý shemalary boıynsha Densaýlyq saqtaý mınıstrliginiń júıelerimen biriktirý. Bul – josparlaý tártibin jáne óńirlerdi dári-dármektermen qamtamasyz etýdi arttyrady. 

Azamattardyń syn-eskertpelerin eskere otyryp, orfandyq aýrýlar boıynsha (mysaly, mýkovıssıdoz) dárilerdi satyp alý máselelerin sheshý joldary pysyqtalýda.

Dári-dármekterdi satýda kontrafaktini boldyrmaý maqsatynda "Qazaqtelekom" AQ-men birlesip dári-dármekter men medısınalyq buıymdardy tańbalaýdyń jáne baqylaýdyń pılottyq jobasyn iske asyrý boıynsha is-sharalar júrgizilýde.

Pandemııanyń ekinshi tolqynyna daıyndyq aıasynda SQ-Farmasııa 5,96 mlrd teńgege 37 dári-dármek túrin satyp aldy. Stasıonarlarǵa jalpy quny 18,1 mlrd. teńge bolatyn 91 ataý jetkizildi. 10 mln betperde, onyń ishinde 392 mln teńgege 500 myń balalar betperdesi satyp alyndy.

Dárihanalar kommersııalyq uıymdar retinde dári-dármekterdi ózderi satyp alady. Soǵan qaramastan, pandemııanyń birinshi tolqynyndaǵy tájirıbeni eskere otyryp, Úkimet Qaýlysymen "SQ-Farmasııa" JShS-ne ári qaraı bólshek saýda jelisinde satý úshin dári-dármekterdi kóterme satyp alý boıynsha ókilettik berildi. Osylaısha, COVID-19 emdeý boıynsha preparattar tapshylyǵy týyndaǵan jaǵdaıda "qaýipsizdik kópshigi" qalyptastyryldy.

Sybaılas jemqorlyqqa qarsy qyzmet "Adaldyq alańy" jobasynyń jelisi boıynsha jurtshylyqpen birlesip SK-Farmasııa men densaýlyq saqtaý basqarmalarynyń qoımalaryndaǵy dári-dármekter men medısınalyq buıymdardyń qajetti kóleminiń bolýyna monıtorıng jasaýdy jalǵastyrady. Sonymen qosa, baǵany negizsiz qymbattatý bóliginde kommersııalyq dárihanalyq jelileri men ambýlatorlyq dári-dármekpen qamtamasyz etý aıasynda medısınalyq uıymdar janyndaǵy dárihanalarǵa da monıtorıng júrgizilýde.

Belsendi azamattardy jumyldyrý arqyly gýmanıtarlyq kómek jetkizilýde. Agenttiktiń usynysy boıynsha shetelden kelgen gýmanıtarlyq júkterdi baǵyttaý rásimderin jeńildetý úshin jańa úlgi ázirlendi.

Aǵymdaǵy jyldyń shilde aıynan bastap elimizge 10 mln astam medısınalyq betperde men respıratorlar, 3,6 mln qorǵanysh kostıýmderi men quraldary, 370 myń PTR-testiler, dárilik zattarmen qatar 29 О́JJ apparattary keldi. Taıaýda "Shevron" kompanııasynan 400 myń dana bir rettik qorǵanysh kostıými túrinde gýmanıtarlyq kómek kútilýde.

Ákimshilik shyǵyndardy ońtaılandyrý bóliginde úı-jaılardy jaldaýǵa, issaparlarǵa, aqparattyq-ımıdjdik súıemeldeýge jáne polıgrafııalyq qyzmetter kórsetýge arnalǵan shyǵyndardy qysqartý esebinen 239,7 mln teńge únemdeldi.

Aıta keteıik, osyǵan deıin "Bolashaq" halyqaralyq baǵdarlamalar ortalyǵy" AQ-da Antıkor júrgizgen taldaý – bıznes-úderisterdi qaıta qaraýǵa, tıisti shyǵyndardy ońtaılandyrýǵa yqpal etti. Nátıjesinde, memlekettik bıýdjet jyl saıyn 1,3 mlrd teńgege únemdeletin boldy.

Sońǵy jańalyqtar

Qurban bolǵandardy anyqtaý – paryz

Tarıh • Búgin, 22:55

Qazaq radıosy qalaı ashyldy?

Suhbat • Búgin, 22:51

Vıkıngterdiń izimen

Tarıh • Búgin, 22:46

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Uqsas jańalyqtar