Esterińizge sala keteıik, Almatyda karantındik sharalardy saqtaý úshin 26 monıtorıngtik top jumys isteıdi, olardyń quramynda aýdandyq ákimdikterdiń, jergilikti polısııa qyzmetiniń qyzmetkerleri, "Atameken" UKP ókilderi jáne taýarlar men qyzmetterdiń sapasy men qaýipsizdigin baqylaý jónindegi aýdandyq basqarmalardyń mamandary bar.
J.Bekshınniń aıtýynsha, aǵymdaǵy jylǵy 8-18 qazan aralyǵynda monıtorıngtik toptar kásipkerlik sýbektilerin tekserý boıynsha 1518 is-shara ótkizdi, bul qoǵamdyq tamaqtaný, saýda, qyzmet kórsetý nysandary. Tekserý qorytyndysy boıynsha 363 nysanda buzýshylyqtar anyqtaldy, maska rejımin buzǵany úshin 79 jeke tulǵa ákimshilik jaýapkershilikke tartyldy.
"Koronavırýs ınfeksııasy boıynsha turaqsyz jaǵdaıǵa qaramastan, 50-den 100-ge deıin adam kóp jınalatyn saltanatty is-sharalar jalǵasýda. 14 qoǵamdyq tamaqtaný nysany anyqtaldy, onda ákimshilikpen jáne is-sharalardy uıymdastyrýshylarmen túsindirý jumystary júrgizildi, sodan keıin kelýshiler ol mekemelerden ketti. Atalǵan qoǵamdyq tamaqtaný nysandary boıynsha ákimshilik sharalar qabyldanatyn bolady. Qaıtalanǵan jaǵdaıda atalǵan nysandardyń qyzmetin sot tártibimen toqtatý týraly másele qoıylatyn bolady", dep atap ótken qalanyń bas sanıtar dárigeri turǵyndardy barlyq saqtyq sharalaryn saqtaýǵa shaqyrdy.
