"Aldyn ala málimetter boıynsha Baıyrqum aýyldyq okrýginde Kóksaraı kanalyndaǵy Aqqala aýylynan 20 shaqyrym jerde balyq aýlaý kezinde Shymkent qalasy Qarataý aýdanynyń Qaınar bulaǵy shaǵyn aýdannyń turǵyny 1982 jyly týǵan er adam jabdyqtalmaǵan jerde shomylǵan kezde sýǵa batyp ketken", deıdi jergilikti TJD.
Izdestirý jumystaryn júrgizý úshin quramynda 6 qutqarýshy-súńgýir, 1 tehnıka jáne 1 qaıyq jumyldyryldy. Shymkent qalasy TJD jedel-qutqarý jasaǵy 19 qazanda saǵat 07.00-de izdestirý jumystaryn bastady. Kóksaraı kanaly – eni 100 m, tereńdigi 3 m, sý temperatýrasy + 8 S.
Izdeý jumystarynyń nátıjesinde 19 qazanda saǵat 09.04-te súńgýir Abaı Oljas Altynbekuly er adamnyń óli denesin taýyp alyp, sýdan shyǵarǵan. Oqıǵa ornyna Túrkistan oblysy Arys qalasynyń TJD, aýdandyq polısııa bóliminiń qyzmetkerleri de jumyldyryldy.
TJM qutqarýshylary balyq aýlaý kezinde qaýipsizdik erejelerin qatań saqtaý qajettigin eskertedi. Qaýipti jaǵdaı kelesi faktorlar bolǵan kezde paıda bolýy múmkin:
1.Balyq aýlaý aldynda nemese onyń barysynda alkogoldik ishimdikterdi paıdalaný;
2.Kóktemde nemese kúzgi maýsymda sýyq sýǵa shomylý;
3.Júze almaý;
4.Qatty jel men tolqyndar;
5.Táýliktiń qarańǵy ýaqyty;
6. Balyqshy jaǵalaýda nemese qaıyqta jalǵyz bolýy.
Eger sizge tótenshe jaǵdaıda kómek qajet bolsa nemese siz oqıǵanyń kýágeri bolsańyz "101" nemese "112" telefondaryna qońyraý shalyńyz.
