Jazany qatańdatý qadamdary oń nátıjesin beredi dep kútilýde
Ámbebap polıseıler patrýldik jáne jol polısııasy bólinisteriniń birigýi nátıjesinde quryldy. Budan buryn habarlanǵanyndaı, Úkimet qaýlysyna sáıkes Ákimshilik polısııa komıteti Jol polısııasy komıtetin qosý arqyly qaıta quryldy. Aýmaqtyq ishki ister organdarynda osyǵan uqsas Ákimshilik polısııa basqarmalary, aýdandyq býynda tıisti bólimder (bólimsheler), sondaı-aq jol-patrýldik polısııasynyń saptyq bólinisteri jasaqtaldy. Elimizdiń ishki ister organdarynyń jol-patrýldik polısııasy saptyq bólinisteriniń úlgi qurylymdary men shtattary bekitildi.
Jazany qatańdatý qadamdary oń nátıjesin beredi dep kútilýde
Ámbebap polıseıler patrýldik jáne jol polısııasy bólinisteriniń birigýi nátıjesinde quryldy. Budan buryn habarlanǵanyndaı, Úkimet qaýlysyna sáıkes Ákimshilik polısııa komıteti Jol polısııasy komıtetin qosý arqyly qaıta quryldy. Aýmaqtyq ishki ister organdarynda osyǵan uqsas Ákimshilik polısııa basqarmalary, aýdandyq býynda tıisti bólimder (bólimsheler), sondaı-aq jol-patrýldik polısııasynyń saptyq bólinisteri jasaqtaldy. Elimizdiń ishki ister organdarynyń jol-patrýldik polısııasy saptyq bólinisteriniń úlgi qurylymdary men shtattary bekitildi.
Ámbebap polıseılerdi basqalardan aıyrý maqsatynda biz jańa keýde jetondaryn, sondaı-aq nysandyq kıimge tigiletin shevrondar ázirledik. Kelesi jyldan bastap nysandyq kıim-keshekti de ózgertýdi, ıaǵnı búgingi kúni barlyq jerde paıdalanylatyn kıtel men jazǵy bas kıimdi paıdalanbaı, yńǵaıly jeńil kıim kııýdi josparlap otyrmyz.
Memlekettik standartqa sáıkes arnaıy avtomashınalarǵa qoldanystaǵy «Jol polısııasy» jáne «Patrýldik polısııa» sózderi «Jol-patrýldik polısııasy» sózderine aýystyrylyp, tústik-grafıkalyq shemalar, aıyrý jazýlary jazyldy, sondaı-aq olar arnaıy jaryq jáne dybystyq belgilermen jabdyqtaldy.
Sonymen qatar, IIM Qazaqstannyń teńge saraıymen birlesip, jol-patrýldik polısııasynyń árbir qyzmetkerine beriletin jáne óńirdiń rettik nómirinen jáne úsh sıfrdan turatyn jeke kodty qamtıtyn jańa keýde belgisiniń dızaınyn daıyndady.
Mundaı reforma jol qaýipsizdigi jaǵdaıy men qoǵamdyq tártipti qorǵaýda oń nátıjesin berýi tıis dep úmittenemiz. О́ıtkeni, elimizde apattylyq jaǵdaıy kúrdeli kúıinde qalyp otyr. Memleket basshysy Nursultan Nazarbaevtyń 2013 jylǵy 11 qazanda ótken Úkimettiń keńeıtilgen otyrysynda JKO-lar saldarynan qaza tapqan adamdardyń sany ósýine baılanysty alańdaýshylyǵyn bildirgeni málim.
Joldardaǵy ahýaldy jaqsartý maqsatynda qazirgi ýaqytta birqatar uıymdastyrýshylyq jáne tájirıbelik sharalar qabyldanýda. Máselen, joldardaǵy baqylaý kúsheıtildi. 21-27 qazan aralyǵynda «Qaýipsiz jol» aýqymdy profılaktıkalyq is-sharasy ótkizildi, oǵan ákimshilik polısııa bólinisteriniń eń kóp kúshi men quraldary tartyldy.
Profılaktıkalyq is-shara ótkizý kezeńinde 54 378 ereje buzýshylyq anyqtalyp, birqatarynyń joly kesildi. Onyń ishinde kólik quralyn alkogoldi ishimdik iship alyp basqarýdyń – 1 307, júrgizýshi kýáliginsiz basqarýdyń – 563, basqarý quqyǵynan aıyrylǵan adamdardyń kólik quralyn basqarýdyń –214, jyldamdyqty asyrýdyń – 10 705, jolaqtyń qarsy betine shyǵyp ketýdiń – 1 488, qaýipsizdik belbeýlerin taqpaýdyń – 7 869, kólik quraldarynyń terezelerin qarańǵylaýdyń – 625, kólik quralyn basqarý kezinde telefon paıdalanýdyń – 3 768, mindetti tehnıkalyq tekserýsiz júrýdiń – 2 071 faktisi tirkeldi. Sondaı-aq, jaıaý júrginshiler jibergen 4 055 ereje buzýshylyq anyqtaldy.
Jol júrisin tehnıkalyq baqylaý quraldary engizilýde. Búgingi kúni stasıonarlyq avtomatty tirkeý júıeleri árbir iri qalada (16 qala): joldyń jyldam júrý ýchaskelerinde, joldyń kórinis shektelgen bólikterinde jáne iri jol qıylystarynda ornatylǵan. Ústimizdegi jyly olardyń kómegimen 715 000 jol júrý erejelerin buzý anyqtalsa, 5 mlrd. teńgeniń aıyppuly salyndy (2,2 mlrd. teńge óndirildi).
Avtomobıl joldarynyń jaǵdaıyna baqylaý kúsheıtildi. Osy maqsatta avtojoldardy tekserý únemi júrgiziletin boldy. Tek ústimizdegi jyly ǵana joldardy qanaǵattanǵysyz ustaǵandyq úshin shamamen 9 myń uıǵarym berilip, 1,5 myń laýazymdy tulǵa jaýapkershilikke tartyldy. Jaǵdaıdy durystaý úshin «Jol júrisi týraly» jańa zań jobasy ázirlenip, oǵan ilespe zań jobasynyń sheńberinde Jol qozǵalysy erejelerin buzǵany úshin jaýapkershilikti qatańdatý sharalary kózdelip otyr.
Qazirgi ýaqytta aıyppul kózdelgen quqyq buzýshylyqtardyń barlyq quramdary boıynsha úshinshi quqyq buzýshylyq jasaǵany úshin (ákimshilik jaza qoldanylǵannan keıin bir jyl ishinde) kólikti basqarý quqyǵynan 6 aı merzimge aıyrý sanksııasy engiziledi. Mysaly, avtokólikti basqarý kezinde uıaly telefonmen sóılesip úsh ret ustalǵan júrgizýshiler jarty jylǵa kólikti basqarý quqyǵynan aıyrylatyn bolady.
Qylmys kodeksiniń jobasynda kólik quralyn masań kúıde basqarǵany úshin júrgizýshige bes júz aılyq eseptik kórsetkish mólsherindegi aıyppul, ne osy mólsherdegi túzetý jumystary, ne úsh júz saǵatqa deıingi merzimge qoǵamdyq jumystarǵa tartý, ne eki jyl merzimge belgili laýazymdardy atqarý nemese belgili qyzmetpen aınalysý quqyǵynan aıyrý ne alty aıǵa deıingi merzimge qamaý túrindegi jaza qarastyrylǵan.
Erlan TURǴYMBAEV,
Ishki ister mınıstriniń orynbasary.
