"25 jyl buryn qalada eki órt sóndirý bólimi bolǵan. Búgingi tańda olardyń sany - 12, 18 bólimge deıin kóbeıtiletin bolady. Biz qutqarǵan adamdardyń sanymen maqtanamyz. 25 jyl ishinde Nur-Sultanda 8055 adam qutqaryldy, 42 myńnan astam adam TJ aımaǵynan evakýasııalandy, 2 myńnan astam adamǵa alǵashqy medısınalyq kómek kórsetildi", – dep atap ótti azamattyq qorǵaý polkovnıgi, qalalyq TJ departamentiniń bastyǵy Baýyrjan Syzdyqov.
Onyń aıtýynsha, jergilikti atqarýshy organmen birlesip qar basýdyń, sý tasqyny men órttiń aldyn alý boıynsha jumystar júrgizilýde.
"Qys mezgilinde qar qursaýynan 1088 adam qutqaryldy. Onyń ishinde 25 adam – júkti áıelder. О́kinishke qaraı, barlyq tótenshe jaǵdaılardyń ishindegi eń kóp kezdesetini – órt jaǵdaıy. Bul baǵytta ákimdikpen birlesip jumys jalǵasýda. Jyl saıyn Nur-Sultan qalasynyń qaýipsizdigin qamtamasyz etý deńgeıi joǵarylaı beredi dep senemin", – dedi polkovnık.
Eske sala keteıik, 19 qazan Qazaqstanda Qutqarýshylar kúni atalyp ótti. QR Prezıdenti qutqarý qyzmetine erekshe mártebe berdi. Memleket basshysy Qazaqstan halqyna Joldaýynda Tótenshe jaǵdaılar mınıstrligin qaıta qurýdyń mańyzdylyǵyn atap ótti.
