"Qazaqstannyń Ýkraınadaǵy Elshiligi jáne "Otandastar qory" KeAQ qoldaýymen Kıev qalasynda onlaın qazaq synyby ashylǵanyn qýanyshpen habarlaımyz. "Dostyq" qazaq qoǵamdyq uıymyna sabaqtarǵa qajetti jabdyqtar tapsyryldy.
Sonymen qatar "Otandastar qory" "Qazaq tili" kýrsynyń II semestri bastalǵany týraly habarlaımyz. Kez kelgen adam úıde otyryp ta qazaq tilin onlaın tegin úırene alady. Ol úshin "OQ-BILIM" Telegram kanalyna (https://t.me/otandastar_qory) jazylyp, arnaıy silteme arqyly sabaqtarǵa qosylý qajet. Sabaqtar tikeleı efırde Microsoft Teams platformasyn arqyly ótedi.
Atalmysh is-shara "Qazaq synyby" jobasy aıasynda uıymdastyrylyp otyr. 12 eldiń 24 qalasynda 31 onlaın synybyn ashý josparlanǵan.
Tikeleı efırge qatysa almasańyz, «Otandastar Channel» YouTube kanalyna júktelgen sabaqtardy kóre alasyz. Joǵarydaǵy kestege sáıkes qazaq tilin úırene alasyzdar", delingen habarlamada.
