Qazaqstan Ulttyq bankiniń burynǵy basshysy Grıgorıı Marchenko endi turaqty jumys isteýge yntaly emes. Bul týraly «Interfaks-Qazaqstan» habarlady.
«Men turaqty jumysqa shyqpaımyn. Dırektorlar keńesinde istegim nemese sonda keńesshi bolǵym keledi», - dedi ol juma kúni Almatyda.
«Men ózime tender jarııaladym. Qazir bul prosestiń ortasynda turmyn», - dedi ol.
Bul – Marchenkonyń ózine birinshi ret tender jarııalaýy emes. Buǵan deıin ol birneshe ret Ortalyq bankti basqardy. Sonyń ishinde 90-shy jyldary bank sektorynda reforma júrip jatqan kezde Ulttyq banktiń tizginin ustady. Al 2009 jyly álemdik qarjy daǵdarysy kúıip turǵan kezde Ulttyq bankke taǵy oraldy. Sol jyly kútpegen jerden ulttyq valıýtanyń devalvasııasyn jasap, jurttyń biraz narazylyǵyna ushyrady.
Endi ulttyq bankten ketkenken keıin, óziniń aıtýynsha, ózine ózi tender jarııalap otyr. Bul jerde oǵan Halyq banki dırektorlar keńesiniń tóraǵasy bolý jónindegi usynys qyzyqtyraq bolyp kórinip otyrǵan sııaqty.
Aıta ketý kerek, qazirgi kúnderi G.Marchenko negizinen Shveısarııada turyp jatyr. Almatyǵa aıyna bir ret kelip ketedi.
Sáken Maılybaı.
