«Spravedlıvaıa Rossııa» partııasynyń tóraǵasy Sergeı Mıronov tórtinshi márte úılendi. Bul joly eserler lıderiniń tańdaǵany Sankt-Peterbýrgtiń 29 jastaǵy jýrnalısi Olga Radıevskaıa boldy. Bul týraly ITAR-TASS habarlady.
Lifenews baıandaǵandaı, 60 jastaǵy saıasatker bolashaq jubaıyn aıtarlyqtaı birazdan beri biledi eken. Alaıda, olar bir-birimen qarym-qatynastaryn qazir ǵana zańdastyrýǵa sheshim qabyldapty. Al úılený týraly usynysyn Mıronov erekshe etip jetkizipti. «Ol Olıanyń terezesiniń aldyna óziniń súıetinin jáne úılengisi keletinin bildirgen shaǵyn plakat ilip qoıdy. Olechka birden jaýap bergen joq. 24 qazanda ǵana «Iá» dep jaýap qaıtardy», -desti saıasatkerdiń jas áıeliniń qurbylary.
Saltanatty rásim soltústik astanadaǵy Aǵylshyn jaǵalaýynda ornalasqan №1 neke saraıynda ótti. «Olıanyń ústinde kórnekti shleıfi bar keremet aq kóılek boldy. Qalyńdyq sondaı-aq ejelgi orys knıajnalary sekildi qalpaq kıip aldy», - dedi mekeme qyzmetkerleri.
Toıdyń ózi týraly eshteńe aıtylmaıdy. Alaıda, jas jubaılardyń shet elge úılený saıahatyn jasap qaıtqandary da belgili. Tek qaıda bolǵandaryn aıtpaıdy. Osyǵan oraı Mıronov: «Biz saıahatqa baryp kelip úlgerdik. Alysqa bardyq. Biraq naqty qaıda ekeni qupııa. Degenmen, onyń ystyq elderdiń biri bolmaǵanyn aıta alamyn», - dedi.
Ivan atty uly bar Radıevskaıa toıdan keıin jumysynan shyǵap, Sankt-Peterbýrgten Máskeýge kóship keldi. «Olga jańa jumys izdeý ústinde júr, oǵan Pıterdegi jýrnalıstik qyzmetin tastaýǵa týra keldi», - dep túsindirdi eserler lıderi.
Bul Sergeı Mıronov úshin tórtinshi neke bolyp otyr. Birinshi ret ol Lenıngrad taý-ken ınstıtýtynda oqyp júrgen stýdent kezinde úılengen. Tańdaýy Elena esimdi ekskýrsoved-aýdarmashyǵa tústi. Bul odaqtan Iаroslav degen uly týdy. Ol ekinshi ret ózimen birge Mońǵolııa men Ekaterınbýrgte jumys istegen geolog Lıýbovpen bas qosty. Odan Irına atty qyzy dúnıege keldi. Úshinshi retinde Mıronov 2004 jyly nekege turdy. Ol óziniń htshysy Irınamen ara-qatynasyn zańdastyrdy.
Sáken Maılybaı.
