Búgin Departament basshysynyń orynbasary Raıhan Brataeva Instagram jelisinde memlekettik qyzmetke túsý máseleleri boıynsha tikeleı efır ótkizdi. Efır barysynda azamattar jıi qoıatyn suraqtarǵa erekshe nazar aýdaryldy, «Qazaqstan Respýblıkasynyń memlekettik qyzmeti týraly» Zańnyń, «B» korpýsynyń memlekettik ákimshilik laýazymyna ornalasýǵa konkýrs ótkizý qaǵıdalarynyń» talaptary boıynsha tolyǵyraq túsinikteme berildi.
R.Brataeva kandıdattardyń quqyqtary týraly, sondaı-aq qujat tapsyrǵan kandıdattardy áńgimelesýge ótkizbeıtin jaǵdaılar jóninde aqparatpen bólisti. Mysaly, talap etiletin qujattardyń tolyq usynylmaýy, ne bolmasa qujattarda kórsetilgen aqparattyń durys bolmaýy nemese qujattardyń talaptarǵa saı bolmaýy memlekettik organnyń personaldy basqarý qyzmetiniń olardy qaraýdan bas tartýyna negiz bola alady.
Spıkerdiń aıtýynsha, búgingi tańda konkýrstyq rásimderdiń ashyqtyǵy zańnamalyq deńgeıde qamtamasyz etilgen, bul azamattardyń memlekettik qyzmetke qol jetkizýdegi teńdiginiń kepili bolyp tabylady. Sondaı-aq, R.Brataeva Zańnyń 16-babynda memlekettik qyzmette bolýǵa baılanysty shekteýler kózdelgenin atap ótti.
Tikeleı efırde túsindirme aqparatpen 570 qatysýshy tanysty. Departament onlaın rejimde túsindirý is-sharalaryn turaqty negizde ótkizedi.
Memlekettik qyzmetke kirý boıynsha qosymsha suraqtar týyndaǵan jaǵdaıda 51 81 32 telefony arqyly habarlasýǵa nemese Kókshetaý qalasy, Abaı kóshesi, 87 ǵımarat, 3 qabat mekenjaıy boıynsha júginýge bolady.
