Turaqtandyrý qorynyń ónimi jetkilikti

О́tken aptadan bastap áleý­mettik jármeńke qaıtadan jal­ǵasty. Fermerler 190 tonnadan asa ónim ákelgen. Sıyr etiniń kılosy 1 200-den 1 500 teńgege deıin, qoı eti – 1 300-1 500, jylqy eti 1 500-1 800, kartop kılosyna 65 teńgeni qurady. Iri sút fermalary sútiniń lıtri – 130 teńgeden. Aqqýly qarbyzynyń kılosy 100 teńgeden satyldy.

Buǵan deıin turǵyndar asyǵa kútetin ár senbi saıyn ótetin áleýmettik aýylsharýashylyq jár­­­­meńkesi indettiń taralýy ke­zinde toqtap qalǵan bolatyn. Ob­lys­tyń barlyq aýdandarynyń fermerleri óz ónimderin «Kvazar» saýda úıine qarama-qar­sy turǵan keń alańǵa ákeledi.

Tipti qalalyqtar jármeń­keniń ashylýyn tańǵy saǵat 6-dan bastap kútken eken. Jár­meń­kede tómen baǵamen et, shu­jyq, irimshik, sút, súzbe, ju­myrt­qa, maı, bal, kók­ó­nis­ter jáne basqa da ónimder sa­typ alý múm­kindigine ıe.

Al oblystyq kásipkerlik jáne saýda basqarmasynyń má­li­metinshe, osy kúnderi óńirdegi barlyq áleýmettik dúkenge 115 aýyl sharýashylyǵy óndirý­shileri áleýmettik mańyzy bar azyq-túlik taýarlaryn jetkizýde.

О́ndirýshiler jetkizetin azyq-túlik taýarlary, kókónister, kartoptyń baǵalary naryqtaǵy baǵadan 10-15 paıyzǵa arzan. Ob­lys ákimdiginde óńirdegi iri kar­top ósirýshilermen memorandým jasaldy. Endi fer­mer­ler kar­toptyń 15 paıyzyn bel­gilengen baǵamen óńir tur­ǵyndarynyń al­daǵy qys pen kók­temdegi qajet­tilikteri úshin saqtaıdy.

Aýylsharýashylyq basqarma­synyń málimetinshe, ótken jyly óńirde 512 myń tonna kartop alynsa, qazirgi ónim molyraq, 564 myń tonnaǵa jetken. Bul óńirdiń ónimge degen qajettiliginen edáýir asyp túsedi.

Ekinshiden, óńirdegi aýyl sha­rýashylyǵy taýarlaryn ón­dirýshi seriktestiktermen, sha­ǵyn sharýa qojalyqtarymen «О́n­dirýshiden sórege deıin» qa­ǵıdatyna sáıkes birneshe me­morandým da jasaldy. Me­morandým barysynda azyq-túlik taýarlarynyń 16 tú­rine birinshi surypty un, kúrish, qara­qumyq, kespe, sarymaı, nan, aıran, sút, súzbe, taýyq eti, bi­rin­shi sanatty jumyrtqa, tuz, kar­top, pııaz, sábiz, qyryqqabat en­gen. Iаǵnı me­morandýmda be­ki­tilgen osy azyq-túlik del­dal­syz óndirýshiden tike­leı só­rege jetkiziledi.

Basqarmanyń málimetinshe, qazir oblysta azyq-túliktiń tu­raqtandyrý qoryn tolyqtyrý belsendi júrgizilýde. Jyl ba­synan beri turaqtandyrý qo­ryna 5,3 myń tonna ónim satyp alyndy. Búginde ónimderdiń 4,4 myń tonnadan astamy satyl­dy. Tu­raqtandyrý qoryn qalyp­tastyrý júıesi úzdiksiz júr­giziledi. Qarasha aıynyń sońyna deıin qordyń kólemin 4 myń ton­naǵa deıin jetkizý josparlanyp otyr.

Al turaqtandyrý qorynyń ónimderi 176 áleýmettik dúkende satylady. Mysaly, oblys boıyn­sha iNMart jelisiniń barlyq 24 sýpermarketinde áleýmettik ma­ńyzy bar azyq-túlik taýarla­rynyń 16 túriniń baǵasyn kóter­meý mindetteldi.

Azyq-túlik baǵalaryn turaqty ustap turý týraly «Pavlodar» Áleýmettik-kásipkerlik korporasııasy men «Nızkosen» JShS (iNMart saý­da jelisi) arasynda kelisim ja­salǵan.

– Osy maqsatty júzege asy­rý úshin kompanııanyń saý­da aınalymyna 50 mln teńge bólý qarastyrylǵan. Buǵan deıin de «Qyzyljar Qus» JShS ta­ýyq etin dúkenderge turaq­ty ba­ǵamen jetkizýge min­­det­te­lip, sol úshin 150 mln teńge bó­lin­gen bolatyn, – deıdi bas­qarma ókilderi.

Al 21 qazandaǵy statıstıka­lyq derekterge sáıkes, oblysymyzda 13 túrli áleýmettik ma­ńyzdy azyq-túlik óniminiń quny respýb­lıka boıynsha qa­­lyp­tasqan ortasha baǵadan tómen. Onyń ishinde birinshi su­rypty un, pasterlengen sút, aıran, súzbe, sarymaı, kartop, sábiz, qa­raqumyq jarmasy, sıyr eti (ja­ýyryn-tós bóligi), taýyq etiniń bólikteri, 1-sanatty ju­myrt­qa, kúnbaǵys maıy, qum­she­ker ba­ǵalary tómen azyq-túlik bes­tigine engen.

О́ńirde azyq-túlik baǵalary boıynsha jaǵdaı oblystyq, qalalyq, aýdandyq ákimdik tarapynan únemi baqylaýǵa alynǵan. Áleýmettik mańyzy bar azyq-túlik taýarlarynyń qunyn kó­terý faktileri anyq­talǵan jaǵ­daı­da turǵyndar jedel jelige ha­barlasýǵa bolady.

Pavlodar oblysy