Saıasat • 23 Qazan, 2020

Qoldaý jaqsarsa, qorǵaý da túzeledi

15 ret kórsetildi

Bıyl Almaty oblysynda qylmys jasaý deregi azaıǵan eken. Máselen, ótken 9 aıda 11 073 zań buzý oqıǵasy tirkelgen. Iаǵnı bul ótken jyldyń sáıkes merzi­mi­men salystyrǵanda 36,5 paıyzǵa az. Ári aımaq joldarynda bolatyn apat ta kemip, byltyrǵyǵa qaraǵanda 12 paıyzǵa tómendegen. Jyl basynan beri 1496 jol-kólik oqıǵasy bolǵan.

 

Árıne, oblystaǵy quqyq ahýalynyń ońalýy tártip saqshylarynyń jan­qııar­lyq jumysynyń nátıjesinde múm­kin bolǵanyn aıtýymyz kerek. Al atqarýshy bılik polısııanyń alańsyz qyzmet etýi úshin barlyq qoldaý sharasyn jasap jatyr. Atap aıtqanda, bıyl oblysta ishki ister organdarynyń materıaldyq-tehnıkalyq bazasyn nyǵaı­tý­ǵa 2,9 mlrd teńge qarjy bólingen. Bul qara­jat qala men eldi meken kóshelerin beı­ne­baqylaý kamerasyna qosý men tártip saqshylaryna qajetti kólik pen qu­ral-jabdyq satyp alýǵa jumsalýda. Al aımaq elimizde alǵashqylardyń biri bolyp ýchaskelik polıseılerdiń baspana máselesin tolyqtaı sheshýge qadam jasap otyr. Osyǵan deıin Jetisýda turǵyn úımen biriktirilgen 178 ýchaskelik polısııa pýnkti salynsa, aldaǵy merzimde taǵy 43 arnaıy nysannyń qurylysy jalǵasady.

Ýchaskelik polısııanyń jumysyna erekshe mańyz berilip otyrǵanynyń dálelin Taldyqorǵan qalasynan kórýge bolady. Qazir mundaǵy 11 ýchaskelik polısııa pýnktiniń altaýynda tolyq jaǵdaı jasalǵan. Iаǵnı tártip saqshysynyń keńsesi turǵyn úımen japsarlasa salynyp, paıdalanýǵa berilgen.

– Turǵyn úımen japsarlasa salyn­ǵan ýchaskelik polısııa pýnktin salý bas­ta­masynyń tıimdiligi bar. Qazir barlyq polısııa pýnktine «Nıva» kóligi berildi. Bul ınspektordyń jedel qımyldap, qylmystyń aldyn alýyna sep bolyp otyr. Iаǵnı memleket tarapynan kólik pen turǵyn úı máselesi sheshilgen ýchaskelik polısııa ınspektory esh alańdamastan quqyqtyq tártipti qamtamasyz etýge bar kúshin arnaıdy. Nátıjesinde, qalada quqyq buzýshylar sany azaıdy, – deıdi Taldyqorǵan qalasynyń bas polıseıi Asqar Nursapa.

Sondaı-aq qazir aýdandar men qala­lardaǵy qoǵamdyq oryndarda 1 268 beıne­baqylaý kamerasy iske qosylǵan. Onyń ishinde Taldyqorǵan qalasy aýmaǵyna 871 baqylaý qurylǵysy qo­­ıylǵan eken. Bul jumys bıyl da jal­­ǵasýda, jyl sońyna deıin oblys orta­ly­ǵyndaǵy sıfrly basqarý júıesi taǵy 250 kameramen tolyqpaqshy. Munan bólek, Qarasaı aýdanynda 150 beı­ne­ba­qylaý kamerasy, Tekeli qalasy men Panfılov aýdanynyń aýmaǵynda da 50 ba­qylaý kurylǵysy ornatylýda.

Jalpy, oblysta tirkelgen jol-kólik oqıǵasynyń deni Almaty-О́skemen avto­jolynyń boıynda bolady eken. Munda kólik apaty ǵana emes, qylmys jaǵdaıy da tirkelip turady. Ásirese kúre joldyń boıynda adam qaǵyp, oqıǵa ornynan qashyp ketkender boı kórsetken. Al polısııa mundaı qylmystyń izin sýytpaı ashýǵa tyrysyp jatyr. Mysaly, jaqynda Kerbulaq aýdanynyń 41 jas­ta­ǵy turǵynyn belgisiz kólik qaǵyp ketken bolatyn. Aýyr soqqydan esin jımaǵan zardap shegýshi qaza tapqan. Tún aýa bolǵan apattan keıin qylmysker qashyp ketken eken.

– Jedel-izdestirý jumystarynyń ná­tıjesinde apat ornynan qashyp ketken Al­maty qalasynyń 46 jastaǵy turǵyny qu­­ryqtaldy. Onyń jeke úıiniń aýlasynan jaıaý júrginshini qaǵyp ketkenine dá­lel bolatyn soqqynyń izderi bar avto­kólik tabyldy. Dáleldemelerden keıin kúdikti adam qaqqanyn moıyndady. Ol óziniń oqıǵa ornynan qashyp ketýin qor­qynysh saldarynan dep túsindirdi. Tipti qylmys jasaýshy ózin eshkim taba almaıdy dep oılaǵan bolýy kerek. Sebebi tún jarymynda oqıǵany eshkim kór­megen. Al polısııa isti muqııat zer­de­lep, sanaýly saǵatta qylmysty ashty. Bul jerde Taldyqorǵan qalasy men Almaty qalasynyń aralyǵyndaǵy baqy­laý kameralarynyń kómegi tıdi, deıdi Kóksý aýdany polısııa bóliminiń bas­ty­ǵy, polısııa podpolkovnıgi Ramıl Gı­madıev.

Osyǵan uqsas qylmysty Taldyqorǵan qalasynyń polıseıleri de der kezinde anyqtap, kinálini quryqtaǵan bolatyn. Bul joly tártip saqshylaryn 41 jastaǵy azamatty qaǵyp, oqıǵa ornynan izin sýytqan adamdy kóliktiń detali arqyly tapqan. Qatty soqqydan synyp, shashylyp ketken bamperdiń bóliginde zaýyttan shyqqan nómir jazylǵan eken. Teksere kelgende kólik ıesi qylmysyn moıyndapty.

Aıtpaqshy, Jetisý polıseıleriniń nátıjeli jumysyn mal urlyǵymen kúresý barysynan da baıqaýǵa bolady. Máselen, jaqynda Jambyl aýdany polısııa bóliminiń qyzmetkerleri kánigi barymtashylar tobynyń jolyn kesip, 17 bas jylqyny ıesine qaıtarǵan. Urylar kórshi oblystan kelgen eken.

– Keń aýqymdy jedel-izdestirý is-sha­ra­lary barysynda Taraz qalasyndaǵy mal bazarynan 11 bas jylqy tabylyp, tár­kilendi. Izdeýdi jalǵastyrǵannan keıin, eki bas jylqy Túrkistan oblysy, Saıram aýdanynyń Arys aýylynan ta­byl­dy. Alypsatarlar anyqtalǵasyn taǵy eki qulyndy bıe Taraz qalasyndaǵy jeke úıdiń aýlasynan shyqty. Osy qyl­mys­ty ashyp, urylardyń izine túsýge eki kún ǵana ýaqyt ketti. Al úıirli jyl­qy­ny Qaraqastek aýylynda turatyn ury­­­lardyń sybaılasy jol kórsetip, shy­­ǵa­ryp bergen eken, – deıdi Jambyl aýda­­nynyń polısııa bastyǵy, polısııa pol­kovnıgi Ashat Tegenbaev.

 

Almaty oblysy

 

Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar