Bir nársege mıym jetpeı-aq qoıdy. Elimizdegi baz bireýler Grıgorıı kúntizbesi boıynsha jańa jyl týysymen kelesi jańa jyldy (Naýryzdy emes) taǵatsyzdana kútetin sııaqty. Bul rette, ásirese, Astana aldyna eshkimdi salar emes. О́tken jyly jeltoqsan týar-týmasta jańa jyl qarbalasyna kirisip ketse, bıyl Eýropańdy da, Amerıkańdy da, taǵy kimiń bar, bárin artqa tastap, qarashanyń bel ortasynda, qar qylaýlamaı jatyp, jasyl shyrsha tige bastady. Qazir qalanyń qaı buryshyna barsań da abyr-sabyr, álem-jálem. Jurt bir nárseden qur qalatyndaı jantalasyp jatyr. Iаpyrmaý, bul ne? Bizdegiler ýaqytty aýystyryp alǵannan saý ma ózi?! Álde jańa jylǵa daıyndyqty eki aı buryn bastaý birjola saltymyzǵa sińip, dástúrimizge enip ketkeni me?
Bir nársege mıym jetpeı-aq qoıdy. Elimizdegi baz bireýler Grıgorıı kúntizbesi boıynsha jańa jyl týysymen kelesi jańa jyldy (Naýryzdy emes) taǵatsyzdana kútetin sııaqty. Bul rette, ásirese, Astana aldyna eshkimdi salar emes. О́tken jyly jeltoqsan týar-týmasta jańa jyl qarbalasyna kirisip ketse, bıyl Eýropańdy da, Amerıkańdy da, taǵy kimiń bar, bárin artqa tastap, qarashanyń bel ortasynda, qar qylaýlamaı jatyp, jasyl shyrsha tige bastady. Qazir qalanyń qaı buryshyna barsań da abyr-sabyr, álem-jálem. Jurt bir nárseden qur qalatyndaı jantalasyp jatyr. Iаpyrmaý, bul ne? Bizdegiler ýaqytty aýystyryp alǵannan saý ma ózi?! Álde jańa jylǵa daıyndyqty eki aı buryn bastaý birjola saltymyzǵa sińip, dástúrimizge enip ketkeni me?
Jaraıdy, ol kún jyl sanaýdaǵy aıtýly beles-aq bolsyn. Biraq sol úshin basqa jumystyń bárin syryp tastap, jurttyń aldyna túsip dalbalaqtaýdyń ne qajeti bar? Alda shyn máninde ulyq merekemiz, uly merekemiz – Táýelsizdik kúni kele jatyr. Nege qasıetti merekemiz dańǵaza sharalardyń kóleńkesinde qalyp, ulttyq qundylyqtarymyz taptalyp, asyl dástúrlerimiz aıaqasty bola beredi?! Aldymen sol toıdy óz dárejesinde ótkizýdi oılasaq, sosyn da ýaqyt jetip jatyr ǵoı. Álde, bizge Táýelsizdikten jańa jyl qymbat pa? Osydan biraz jyl buryn Parlamentte júrgende Úkimet basshysyna depýtattyq saýal joldap, máseleni dál osylaı tótesinen qoıǵan edik. Biraq qulaqtaryna ilgenderi baıqalmaıdy.
Merekeni uıymdastyrýǵa jaýapty adamdar nege júrisinen jańyla beredi? Sonda bul ne, aýrý qalsa da ádet qalmaıdynyń keri me? Túsinbeımin. Jańa jylǵa jabysyp qalatyndaı ne kórindi bizge?! Uıat qaıda?! Namys qaıda?! Qashanǵy jurtqa mazaq bola beremiz?!.
Jarasbaı SÚLEIMENOV,
«Egemen Qazaqstan».
