"Kezekti ret 19 shaǵyn aýdandaǵy jańa alleıada atqarylǵan jumystardyń barysymen tanystym. Jobany jalǵastyrý úshin Qazybek bı dańǵyly jaǵynan uzyndyǵy 80 metrdi quraıtyn skverdiń smetasyn jasaý tapsyryldy, onda eskertkish pen ádemi sýburqaq ornalasatyn bolady.
Qarasha aıynda Samar jáne Almaty baǵyttaryndaǵy trassalardy baılanystyratyn avtojoldardy rekonstrýksııalaý jumysy aıaqtalady dep kútilýde. Atalǵan magıstral qalanyń ortalyq bóligindegi kólik júktemsin azaıtyp, Ponton kópiri arqyly О́skemenniń Úlbi bóligi men 19 shaǵyn aýdanyn baılanystyrmaq. Sonymen qatar, kelesi jyly Esenberlın dańǵyly Jibek joly men Sátpaev kósheleriniń qıylysyna deıin sozylady. Osylaısha, oblys ortalyǵynyń negizgi kólik logıstıkasy 2021 jyly aıaqtalyp, tolyq abattandyrylady.
Qalany aralaý barysynda "Nurly jol" jańa shaǵyn aýdanyndaǵy jańa 16 jáne 12 qabatty turǵyn úılerdiń qurylys qarqynymen tanystym. О́kinishke oraı, merdiger mekeme josparlanǵan 70 myń sharshy metrdi merziminde paıdalanýǵa bermeıdi dep oılaımyn. Ony osy ýaqyt ishinde atqarylǵan istiń kóleminen baǵalap kórýge bolady. Qala ákimi Jaqsylyq Omarǵa tıisti sharalar qabyldaý tapsyryldy", - dep jazdy D.Ahmetov.
Oblys ákimi sondaı-aq qala turǵyndary bul úılerdi kútip otyrǵandaryn, baspanalardyń nesıe arqyly júzege asyrylatynyn jetkizdi. Al qala ákimdigine aqshany bıýdjetke qaıtarýy tıis.
