Bul daýys kómekshilerine memlekettik tilimizdi túsinýdi úıretip qana qoımaı, qazaq tiline basqa da jańa tehnologııalardy engizýge múmkindik beredi.
Qazaq tilin damytý úshin óz daýsyn jazýǵa kelgender búkil Qazaqstan boıynsha áleýmettik jeliler, blogerler jáne medıa arqyly jınaldy. Osynyń arqasynda NÝ Aqyldy júıeler jáne jasandy ıntellekt ınstıtýtynyń (ISSAI) ǵalymdary eki myń adamdy jaza aldy. Olar birge qazaq tilinde 300 saǵat 154 myń sóılem aıtqan.
Qazaq tilin taný júıesi Siri, Alexa, Alısa jáne Cortana sııaqty vırtýal kómekshilerdi jasaıtyn adamdarǵa qyzyq bolýy múmkin, bul ártúrli aqyldy úı tehnologııalary men avtomobılderde qazaq tilindegi komandalardy túsinýge múmkindik beredi.
Bul tehnologııany qoldaný aıasy sheksiz, sebebi ǵalymdar óz qosymshalarynda qazaq tilin engizgisi keletinderdiń barlyǵyna jańalyǵyn tegin bólisedi. Aıtpaqshy, ádette mundaı jobalardy iri kompanııalar júzege asyrady, al keıin óz qyzmetin kommersııalandyrady.
Alaıda Nazarbaev Ýnıversıteti ǵalymdarynyń arqasynda bul bazany KaspiBank, Beeline, BTS Digital, Yandex jáne Silero Speech sózdi taný júıesi, sondaı-aq birneshe ýnıversıtet, sonyń ishinde AQSh-taǵy Sýortmor jeke gýmanıtarlyq kolledji, Qazaqstan-Brıtan tehnıkalyq ýnıversıteti, Almaty energetıka jáne baılanys ýnıversıteti, Almatydaǵy Sátpaev atyndaǵy tehnıkalyq ýnıversıtet tegin aldy.
Aıta keteıik, 2018 jyly Yandex "Alısany" qazaq tiline úıretýdi josparlap otyrǵanyn habarlaǵan bolatyn, biraq kompanııa ázirge óziniń daýystyq kómekshisiniń jańarǵan nusqasyn usynǵan joq. Múmkin ǵalymdardyń jumysy bul prosesti jyldamdatatyn shyǵar.
