Resmı málimetter boıynsha, Polshada jyl saıyn 2000-ǵa jýyq túsik jasalady. Biraq quqyq qorǵaý uıymdarynyń aqparaty boıynsha, zańsyz nemese shetelde jasalatyn túsik sany jylyna 200 myńǵa deıin jetedi.
"Bul úkim júktilikti toqtatýǵa sheshim qabyldaǵan áıelderdi óte aýyr jaǵdaıǵa dýshar etetinin, olardyń densaýlyǵyna zııan keltiretinin bilemiz. Adam quqyqtaryn qorǵaýmen aınalysatyn BUU qurylymdary mundaı sheshimder adamgershilikke jatpaıtynyn jáne ar-namysty qorlaıtyn is-áreketter nysany dep sheshti. Endi qazirdiń ózinde óte osal jaǵdaıdaǵy áıelder odan da qıyn jaǵdaıǵa tap bolady", - deıdi reprodýktıvti quqyqtar ortalyǵynyń (Eýropa) aımaqtyq dırektory Lea Hoktor.
Polshanyń túsik túsirý týraly zańy Eýropadaǵy eń qatań zańdardyń biri. Eger áıel zorlaý nemese juqtyrý nátıjesinde júkti bolsa nemese onyń densaýlyǵyna qaýip tónse ǵana túsik jasatýyna bolady.
