Qoǵam • 23 Qazan, 2020

Ulttyq Bank Juban Moldaǵalıevtiń 100 jyldyǵyna arnalǵan monetalar shyǵarady

18 ret kórsetildi

Ulttyq Bank nomınaly 100 teńgelik MN 25 melhıor qospasynan "Este qalatyn oqıǵalar men birtýar adamdar" monetalar serııasynan "JUBAN MOLDAǴALIEV.100 JYL" kolleksııalyq monetalaryn aınalysqa shyǵarady, dep habarlaıdy Egemen.kz Ulttyq banktiń baspasóz qyzmetine silteme jasap.

Monetalardy shyǵarý Qazaq KSR Halyq jazýshysy, "Qyran dala", "Men qazaqpyn", "Jyr týraly", "Sel" jáne basqa da shyǵarmalardyń avtory, qazaq aqyny Juban Moldaǵalıevtiń týǵanyna 100 jyl tolýyna oraılastyrylǵan.

Satý kúni týraly aqparat Qazaqstan Ulttyq Bankiniń resmı saıtynda qosymsha ornalastyrylatyn bolady.

"JUBAN MOLDAǴALIEV. 100 JYL" monetasynyń aversinde ortalyq bóliginde Qazaqstan Respýblıkasynyń Memlekettik eltańbasy beınelengen. Eltańbanyń sol jáne oń jaǵynda ulttyq oıý-órnektiń elementteri ornalasqan. Monetany aınaldyra "QAZAQSTAN  ULTTYQ  BANKI • NATIONAL BANK OF KAZAKHSTAN" degen jazý bar. Tómengi bóliginde monetanyń nomınalyn bildiretin "100 TEŃGE" degen jazý bar.

Monetanyń reversinde Juban Moldaǵalıevtiń portrettik beınesi ornalastyrylǵan. Sol jaqta mereıtoılyq datasy men soǵylǵan jylyn bildiretin "100 JYL", "2020" degen jazýlar bar. Monetanyń joǵarǵy bóliginde "JUBAN MOLDAǴALIEV" degen jazý bar.

Monetalar MN 25 melhıor qospasynan daıyndalǵan, massasy 15 gramm, dıametri 33 mm, daıyndaý sapasy "brilliant uncirculated", nomınaly 100 teńgelik, taralymy - 7 000 dana.

Monetalar kádesyılyq oramda shyǵarylady jáne kolleksııalyq quny boıynsha satýǵa arnalǵan.

Nomınaly 100 teńgelik kolleksııalyq monetalar tólemderdiń barlyq  túrleri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke jazylýǵa jáne aýdarylýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.

Kolleksııalyq monetalar Qazaqstan teńge saraıynda daıyndalǵan.

Sońǵy jańalyqtar

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar