"Qazir mektepterde 3011 kezekshi synypta 40400 oqýshy bilim alyp jatyr. Qalanyń bas sanıtarlyq dárigeriniń málimetine sáıkes, mektep oqýshylary arasynda koronavırýs juqtyrǵandar anyqtaldy. Oqý jylynyń basynan beri koronavırýspen aýyrǵan balalardyń sany 18-ge jetti. Onyń 14-i qashyqtan oqıtyndar, tórteýi – kezekshi synyp oqýshylary", - dedi Sh. Qadyrova.
Onyń aıtýynsha, indet juqtyrǵan balalardyń synyptary qashyqtan oqytý formatyna aýystyrylyp, Nur-Sultan qalasynyń Taýarlar men kórsetiletin qyzmetter sapasy men qaýipsizdigin baqylaý departamentiniń qyzmetkerleri dezınfeksııa jumystaryn júrgizgen.
"Karantın rejıminiń merzimi – 14 kún. Sodan keıin synyptar burynǵy rejımge kóshedi. Bul másele Bilim basqarmasynyń erekshe baqylaýynda bolady", - dedi ol.
