Jalpy, aksııa kezinde alty myńǵa jýyq elorda turǵynyn týberkýlezge qarsy profılaktıkalyq tekserý josparlanǵan. Qala turǵyndary úshin tegin flıýorografııalyq tekserý kelesi aýmaqtarda júrgiziledi:
- turǵyn aýdandar (Promyshlennyı, Telman, Kúıgenjar, Mıchýrıno, Zarechnyı, Prıgorodnyı, Jeleznodorojnyı, О́ndiris, Kóktal jáne t.b.);
- qalanyń saýda ortalyqtary men bazarlary ("Dáýlet", "Artem", "Álem", "Jannur", "Djafar", "Bahýs", "Ásem", "Astyqjan" saýda úıleri; "Uljan", Bıgshanhaı, Ortalyq, "Qamqor"; "Evrazııa" SOO, "Arýjan", "Han Shatyr" jáne t.b.).
Flıýorografııalyq tekserýmen qatar týberkýlezdiń aldyn alý boıynsha keńester alýǵa bolady. Qala turǵyndarynyń qol jetimdiligin arttyrý úshin demalys kúnderi saǵat 11:00-den 15:00-ge deıin tekserýden ótýge bolady.
Sondaı-aq, polısııa departamentiniń qoldaýymen turaqty turǵylyqty jeri joq adamdarǵa flıýorografııalyq tekserý júrgizý josparlanýda. Mamandar táýekel tobyndaǵy adamdarǵa keńes berip, qashyqtan kómek kórsetedi.
Búgin, is-sharanyń birinshi kúni jyljymaly flıýorograftar Kóktal-1 (Kırovskaıa SVA aýdany, Ardagerler k-si, 20), Kóktal-2 (Kım kóshesi, 4, №5 otbasylyq densaýlyq ortalyǵy) eldi-mekeniniń turǵyndaryna qyzmet kórsetti.
Flıýorograftar kóliginiń kelesi baǵyty qosymsha jarııalanatyn bolady.
