"Elimizde Prezıdentimiz Qasym-Jomart Toqaevtyń bastamasymen tuńǵysh ret orman sharýashylyǵy men janýarlar álemin qorǵaý salasyndaǵy "Elim-aı" syılyǵyn tabystaý arqyly biz saladaǵy úzdik mamandardy, janýarlarǵa, jabaıy tabıǵatqa, ekologııaǵa jany ashyp, óz erikterimen qoǵamdyq isterdiń basynda júrgen azamattardyń eńbegin atap ótkimiz keldi", - dedi Ekologııa, geologııa jáne tabıǵı resýrstar mınıstri Maǵzum Myrzaǵalıev is-sharanyń ashylý saltanatynda.
"Ekologııa mınıstrligi "Elim-aı" syılyǵy sharasyn dástúrli túrde jyl saıyn ótkizbek nıette.
"Bizdiń mınıstrlik aldyna ekologııa salasyndaǵy qyzmetkerlerdiń, ekobelsendilerdiń statýsyn kóterý mindetin qoıyp otyr. Sala mamandarynyń materıaldyq jaǵdaıyn kóterýge qatysty qadamdar jasaldy. Brakonerlik úshin jaza qataıtyldy. О́tken jyly aqbókenderdi qorǵaý jolynda qoryqshylarymyz – Erlan Nurǵalıev pen Qanysh Nurtazınovtyń brakonerler qolynan qaza tapqanyn eshkim umytqan joq. Bul – ınspektorlardyń mártebesin joǵarylatý jolyndaǵy belsendi jumysty jalǵastyrýymyz qajettiginiń úlken belgisi", - dep atap ótti mınıstr.
Nomınantttarǵa syılyqty QR EGTRM Maǵzum Myrzaǵalıev, Mádenıet jáne sport mınıstri Aqtoty Raıymqulova, senatorlar Birǵanym Áıtimova men Nurtóre Júsip, Olımpıada chempıony Vasılıı Levıt jáne basqa da qoǵam qaıratkerleri tabystady.
Mádenıet jáne sport mınıstri Aqtoty Raıymqulova 18 qazanda atalyp ótken orman sharýashylyǵy qyzmetkerleriniń kúnimen quttyqtady.
"Tól mereke óz jalǵasyn búgingi kúni de tabýda. Bul ózderiniń tabandylyqtary arqyly elimizdiń orman baılyǵyn qorǵap, kóbeıtip júrgen azamattardyń merekesi. Elimizdiń baǵa jetpes baılyǵy men tabıǵaty arasynda, Orman-toǵaı – Jer-Ananyń adamzatqa bergen syıynyń biri. Sondyqtan tabıǵatty aıalaý men onyń qadir-qasıetin seziný – adamzatqa, urpaǵymyzǵa paryz", - dedi ol óz sózinde.
"Elim-aı" syılyǵy 16 nomınasııa boıynsha berildi.
"Brakonerlermen kúrestegi eren erligi úshin" “Ohotzooprom” Aqmola oblystyq tirek pýnktiniń ınspektory Nurbekov Dostaı Balǵabekuly marapattaldy. Ol 2016 jyly brakonerlermen betpe-bet kelip, moınynan pyshaq jaraqatyn alyp, ajaldan aman qalǵan edi.
“Ohotzooprom” О́B ortalyq aımaqtyq fılıalynyń ınspektory Alıev Murat Qabıdenuly «Janýarlar dúnıesin qorǵaýda «úzdik ınspektor» dep tanyldy.
Orman sharýashylyǵy salasynda 30 jyldan astam eńbek etip kele jatqan "Samar orman sharýashylyǵy" Kommýnaldyq Memlekettik Mekemesiniń dırektory Qabdyrǵalıev Erken Chaımuratuly «Úzdik ormanshy» atandy.
«Orman sharýashylyǵyn damytýǵa baryn salyp atsalysqaly úshin» «Semeı ormany» mekemesiniń Semeı qalalyq fılıaly Batpaev ormanshylyǵynyń jetekshisi Aleksandr Trýshın marapattaldy.
«Orman sharýashylyǵyna eńbegi sińgen ardager» nomınasııasyna «Kólsaı kólderi» Memlekettik Ulttyq Tabıǵı Parkiniń aǵa ǵylymı qyzmetkeri Ahmetov Hamıt Aǵabekuly ıe boldy. Bıologııa ǵylymdarynyń kandıdaty 30-ǵa jýyq ǵylymı maqala jazǵan.
"TMT GROUP" JShS basshysy Tursynáli Marlen Tursynáliuly «Úzdik balyq ósirýshi» dep tanyldy. Al «Karagandınskıı rybopıtomnık» JShS «Úzdik balyq tálimbaǵy» atandy. Basshysy - Denıs Mýshtakov.
«Ile-Alataý» memlekettik ulttyq tabıǵı parki «Úzdik ulttyq park», «Barsakelmes» memleketti qoryǵy «Úzdik qoryq» atalymyn aldy. Syılyq mekemelerdiń basshylary Damır Malgeldıev pen Záýresh Álimbetovaǵa berildi.
«Kazakh Tourism» ulttyq kompanııasynyń basshysy Erjan Erkinbaevqa «Ekotýrızmdi nasıhattaý boıynsha úzdik joba» nomınasııasy berildi.
«Tamyr» jabaıy tabıǵatta serýendeı mektebi ekologııalyq mádenıetti kóterý jáne adamdardyń jabaıy tabıǵattaǵy qaýipsizdigin qamtamasyz etýge qosqan úlesi úshin marapattaldy.
Itbalyqtardyń qorǵaýshysy retinde tanylǵan Gıdrobıologııa jáne ekologııa ınstıtýtynyń ǵylymı qyzmetkeri Ásel Baımuqanova «Ekologııalyq nasıhat baǵytyndaǵy maman» atalymyna ıe boldy.
«Aman pen erik-jiger» atalymymen eki qolynyń joqtyǵyna qaramastan Aqmola oblysynda 18 myń aǵash otyrǵyzyp, úlgili ispen ómirden ótken Aleksandr Karpovıchtiń eńbegi atalyp ótildi. Syılyq ulyna tabystaldy.
«О́lketanýǵa qosqan úlesi úshin» nomınasııasyn «Baıanaýyl» memlekettik ulttyq tabıǵı parkiniń ınspektory Qurmanov Altynbek Jumatuly aldy.
«Jabaıy ańdarǵa jasaǵan qamqorlyǵy úshin» “Saıram-О́gem” memlekettik ulttyq tabıǵı parkiniń bıolog-ańshysy Aqynbaev Nurjan Saıranbaıuly marapattaldy.
Janýarlardy qorǵaý qaýymdastyǵynyń Prezıdenti Lılııa Sársenova «Úı janýarlaryn qorǵaǵany úshin» nomınasııasyn aldy. Ol janýarlar panalaıtyn ortalyq ashqan.
Eske salaıyq, Memleket basshysy Qasym-Jomart Toqaev halyqqa bıylǵy Joldaýynda qorshaǵan ortany qorǵaý jáne ekologııalyq damý elimiz úshin aldyńǵy kezekte turǵan másele ekenin aıtqan. Kógaldandyrý aýqymyn keńeıtip, «Janýarlardy qorǵaý týraly» zań jobasy qabyldanatynyn jetkizgen. Al 22 qazandaǵy Ulttyq qoǵamdyq senim keńesi otyrysynda Ulttyq memlekettik tabıǵı parkterde ekotýrızmdi belsendi damytý qajettigin taǵy da toqtaldy.
