"Búgin Aqtaý qalasynyń áýejaıynan PTR-anyqtamasy bolmaǵan Ulybrıtanııa azamaty óz eline qaıtaryldy. Sondaı-aq 24 qazan túninde 9 reıspen 1158 adam ushyp keldi. Sonyń ishinde 951 jolaýshynyń PTR-anyqtamasy bolǵan, Qazaqstannyń 207 azamatynda anyqtama bolmaǵan", delingen koronavırýstyń taralýyna jol bermeý jónindegi vedomstvoaralyq komıssııanyń taratqan aqparatynda.
Reısterdiń:
- 4-eýi Nur-Sultan qalasyna (471 jolaýshy, onyń 385-inde anyqtama boldy, 86 adam anyqtamasyz);
- 4-eýi Almaty qalasyna (588 jolaýshy, onyń 472-sinde anyqtama boldy, 116 adam anyqtamasyz);
- 1-eýi Aqtaý qalasyna (99 jolaýshy, onyń 94-inde anyqtama boldy, 5 adam anyqtamasyz) jasaldy.
Aıta keteıik, anyqtamasyz ushyp kelgen Qazaqstan azamattary PTR-taldaý tapsyrý úshin Nur-Sultan, Almaty jáne Aqtaý qalalaryndaǵy karantın stasıonarlaryna ornalastyryldy. Jolaýshylar Túrkııa, BAÁ, Belarýs, Mysyrdan halyqaralyq áýe reısterimen ushyp kelgen kórinedi.
