Is-sharaǵa QR Eńbekmıni Eńbek, áleýmettik qorǵaý jáne kóshi-qon komıteti tóraǵasynyń orynbasary Tólegen Ospanqulov, jergilikti atqarýshy organ basqarmalarynyń basshylary, áleýmettik áriptesterdiń ókilderi jáne óńir kásiporyndarynyń basshylary qatysty.
Keńes barysynda qatysýshylar óńir kásiporyndarynda oryn alǵan jazataıym oqıǵalardyń sebepteri men mán-jaılaryn talqylady, sondaı-aq eńbekti qorǵaý tıimdiligin arttyrý boıynsha pikir, tájirıbe jáne usynystarmen almasty.
QR Bas eńbek ınspektory Tólegen Ospanqulov óz sózinde qatysýshylarǵa Qazaqstandaǵy eńbek qaýipsizdigi men eńbekti qorǵaýdy retteýdiń dýaldy júıesi týraly eske saldy, onda bir jaǵynan memleket eńbekti qorǵaý jónindegi standarttar men talaptardy jáne olardyń saqtalýyn mindetti baqylaýdy normatıvtik turǵydan belgileıdi, al jumys berýshiler men qyzmetkerler kásiporyndardyń ózinde eńbekti qorǵaýdy tikeleı basqarýdy júzege asyrady.
«Kásibı táýekelderdi basqarýdyń zamanaýı júıesin engizý úshin elimizdiń 2,6 myńnan astam iri kásiporny Eńbek qaýipsizdigi men eńbekti qorǵaý boıynsha halyqaralyq jáne ulttyq standarttardy engizdi. Bul rette Shyǵys Qazaqstan oblysynyń úlesine osy kásiporyndardyń onnan bir bóligi, ıaǵnı 251 kásiporyn tıesili», – dep atap ótti Tólegen Ospanqulov.
Sondaı-aq, onyń aıtýynsha, eńbekti qorǵaý talaptaryn qamtamasyz etý, óndiristik jaraqattaný men kásiptik aýrýlardyń aldyn alý boıynsha birlesken is-qımyldardy uıymdastyrý úshin kásiporyndarda 15 myńnan astam eńbek qaýipsizdigi jáne eńbekti qorǵaý jónindegi óndiristik keńester quryldy, olardyń quramyna jumys berýshiler men jumyskerlerdiń ókilderi kiredi, olardyń ishinde Shyǵys Qazaqstan oblysynda – 1286.
«Budan basqa, óńirde jumys oryndaryndaǵy eńbek jaǵdaılarynyń naqty jaı-kúıin tekserý jáne olar boıynsha sharalar keshenin odan ári júrgizý úshin 346 óndiristik obekt attestattaldy – bul basqa oblystar arasyndaǵy eń joǵary kórsetkish. Jyl basynan beri elimiz boıynsha barlyǵy 2,5 myń kásiporyn osyndaı tekserýden ótti», – dep habarlady QR Bas eńbek ınspektory.
Tólegen Ospanqulovtyń aıtýynsha, aǵymdaǵy jyldyń 9 aıynda elimizdiń kásiporyndarynda 1023 adam zardap shekti, bul 943 adam zardap shekken 2019 jyldyń sáıkes kezeńimen salystyrǵanda 8,5% - ǵa joǵary. Al jumys ornynda jazataıym oqıǵalar kezinde qaza tapqandar sany 144 adamdy qurady, ıaǵnı ótken jylǵa qaraǵanda 29,7% - ǵa joǵary (111 adam).
Máselen, Shyǵys Qazaqstan oblysynda zardap shekkenderdiń sany 137-den 135 adamǵa deıin azaıdy, alaıda adam ólimimen aıaqtalǵan zardap shekkenderdiń sany 2,7 esege artyp, 19 adamdy qurady.
Bul rette, QR Eńbekmıni Eńbek, áleýmettik qorǵaý jáne kóshi-qon komıteti tóraǵasynyń orynbasary qaýipsiz eńbek jaǵdaılaryn jasaýǵa kóbinese jumys berýshiler ǵana emes, sondaı-aq qyzmetkerler de nemquraıly qaraıtynyn basa aıtty.
Shyǵys Qazaqstan oblysyndaǵy óndiristik jaraqattanýdyń ózekti máselelerin talqylaý qorytyndysy boıynsha QR Eńbekmıni Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev kásiporyndardyń basshylaryna óńirdiń Eńbek ınspeksııasy jónindegi basqarmasymen birlesip kásiporyndarda salaýatty jáne qaýipsiz eńbek jaǵdaılaryn qamtamasyz etý boıynsha jaǵdaıdy jaqsartý úshin birqatar is-sharalar ótkizýdi usyndy.
«Jyl sońyna deıin 2019-2023 jyldarǵa arnalǵan óndiristik jaraqattanýdy jáne eńbek jaǵdaılary zııandy jumys oryndaryn azaıtý jónindegi jol kartasyn oryndaý boıynsha jumysty kúsheıtý, jumysta jazataıym oqıǵalar oryn alǵan árbir kásiporynda eńbek jaǵdaılaryn jaqsartý jáne óndiristik jaraqattanýdy azaıtý jónindegi is-sharalar josparyn ázirleý jáne bekitý qajet dep sanaımyn. Sondaı-aq, óndiristik kásiporyndarda kásiptik qaýip-qaterdi baǵalaýdy turaqty ótkizip, ony azaıtý boıynsha sharalar qabyldaý mańyzdy», – dep qorytyndylady Erbol Nurǵalıev.
Sóz sońynda ol oblys kásiporyndarynda eńbekti qorǵaýdy basqarý júıesin, eńbek qaýipsizdigi jáne eńbekti qorǵaý jónindegi óndiristik keńesterdi, qaýipsiz eńbek jaǵdaılaryn qamtamasyz etý boıynsha tapsyrys berýshiden merdigerge deıin tik baqylaýdy, sondaı-aq «Halyqtyq baqylaý» jobasyn engizý jáne «VizionZero» halyqaralyq áleýmettik qamsyzdandyrý qaýymdastyǵynyń tujyrymdamasyn ilgeriletýdi jandandyrý qajet dep qosty.
