Yntymaqtastyqty nyǵaıtýǵa ýaǵdalasty

– Búgin Túrkııanyń Qorǵa­nys mınıstri Hýlýsı Akar osy vedom­stvonyń basshysy retinde Qazaq­stanǵa alǵash ret resmı saparmen kelip otyr. О́zderińiz biletindeı Túrkııa bizdiń strategııalyq árip­tesimiz sanalady. Bul strate­gııalyq áriptestiktiń berik negizi eń aldymen eki memleketter bas­shy­larynyń óte jaqyn, senim­di, dostastyq qarym-qaty­nasy dep bilemiz. Osydan eki jyl buryn Elbasy Nursultan Nazarbaev­tyń Túrkııaǵa resmı sapa­ry barysynda mańyzdy qujat­tarǵa qol qoıyldy. Áske­rı yn­tymaqtastyq jóninde jáne qu­pııa málimetterdi saqtaý jóninde kelisim jasaldy. Al endi qu­qyq­tyq bazany nyǵaıtý maqsatynda eki protokol da­ıyndalyp jatyr, – dedi Nurlan Ermekbaev.

Osylaısha Qazaqstan men Túr­kııa qorǵanys salasyndaǵy ózara ynty­maq­tastyqty damy­týǵa ázir ekendigin rastap otyr. Bul ret­te Qazaqstan Túrkııamen kóp jos­parly strategııalyq qaty­nas­tardy nyǵaıtýǵa úlken mán beredi. Ekijaq­ty ózara is-qı­myldy keńeıtýde bizdiń mem­le­­ket­terimizdiń basshylary arasyn­daǵy dostyq pen ózara túsinistik ahýaly sheshýshi ról atqaratynyn da aıta ketken jón.

– Qadirli áriptesim ári dosym Qorǵanys mınıstri Nurlan Ermekbaevpen jemisti kezdesý ótkizdik. Biz eki el arasyndaǵy qor­ǵa­nys máselesine qatysty ynty­maq­tas­tyǵymyzdyń aýqy­myn odan ári keńeıtýdi jáne ny­ǵaı­ta túsýdi talqyladyq. Memle­ket­ter basshylarynyń ózara dıa­logy men tyǵyz qarym-qatyna­sy­nyń arqa­syn­da bizdiń jumy­symyz asa jeńil júrdi dep aıta alamyn. Osylaısha biz qol jet­kizil­gen kelisimderdi júzege asyrý má­se­lesin keńestik. Men endi Indýs­­trııa jáne ınfra­qu­rylym­dyq damý mınıstrligine baryp, Beıbit Atamqulov myrza­­men kezdespekpin. Onda biz qor­ǵanys ónerkásibi týraly áńgi­me­le­setin bolamyz. Sondaı-aq osy múm­kindikti paıdalana oty­ryp, maǵan jáne men bas­tap kelgen delegasııaǵa zor qur­met kórsetip jatqany úshin áriptesim Nurlan Ermek­­baevqa shynaıy alǵysymdy bil­­­diremin. Eki el arasyndaǵy yn­ty­­maq­tastyqty nyǵaı­týǵa úlesin qosyp júrgen qor­ǵanys vedom­s­tvo­­­synyń basshy­ly­ǵyna, barsha áskerı qyzmetshi­lerge alǵys aıtamyn, – dedi H.Akar.

2018 jyldyń qyrkúıeginde Qa­zaqstannyń Tuńǵysh Prezı­denti – Elbasy Nursultan Nazar­baevtyń Ankaraǵa resmı sapary barysynda birqatar mańyzdy ekijaqty qujat­tarǵa, sonyń ishinde áskerı ynty­maqtastyq týraly kelisimge qol qoıylǵan bolatyn. Túrik Qa­­rýly Kúshteri men Bas shtaby alǵashqylardyń biri bolyp Qa­zaq­stannyń Qarýly Kúsh­terine olar­dyń qalyptasýy men damýynyń bastapqy keze­ń­in­de jan-jaqty qoldaý kórsetti.

Túrik Respýblıkasy 1990 já­ne 2000 jyldardyń basynda uıym­dastyrý tehnıkasyn, karto­grafııalyq jabdyqtardy, baı­lanys quraldaryn, júrip ótý múmkindigi joǵary avtomo­bıl­derdi qosa alǵanda, qazaq­standyq Qarýly Kúshter úshin óteý­siz negizde áskerı múlik jet­kizdi.

Budan ári taraptar kópmaq­satty jeńil brondalǵan avto­mobılderdi, optıkalyq-elek­tron­dyq quraldardy jetkizý jáne birlesip óndirý jolymen ózara tıimdi ózara is-qımylǵa kóshti. Áskerı bilim berý sheńber­inde Túrkııanyń áskerı ýchılıshe­lerinde kýrsanttardy oqytý júr­giziledi, sondaı-aq Qazaqstan Qarýly Kúshteriniń áskerı qyz­metshilerin túrli oqý ortalyq­tarynda daıarlaý júzege asyrylady. 2020 jylǵa qazaqstandyq ta­rap­tyń ótinishi boıynsha «Kı­ber­qaý­ipsizdik» mamandyǵy boıyn­sha oqytý úshin kvotalar bólindi.

О́z kezeginde, ótken jy­ly Qa­­zaqstan Qorǵanys mınıs­tr­­ligi alǵash ret túrik áskerı qyz­met­shilerin Ulttyq qorǵanys ýnıver­sıtetiniń bazasynda oqy­týdy uıym­dastyrdy. Kelis­­sózder bary­synda osy ba­ǵyt­taǵy ynty­maq­tastyqty jal­ǵas­­tyrý týraly sheshim qa­byl­­dandy. Jaýyn­gerlik daıarlyq salasyndaǵy ynty­maq­tas­­­tyq­tyń neǵurlym ózekti baǵytta­rynyń biri – arnaıy ope­ra­sııa­lar kúshterin daıarlaý (dıver­sııaǵa qarsy, taý-ken, súń­gýirlik daıarlyq, qalalyq jaǵ­daı­lardaǵy is-qımyldar).

Qazaqstandyq áskerı qyz­met­shilerdiń Túrkııa aýmaǵynda qysqy kezeńde tómen temperatýralar kezinde ótkiziletin «Efes» kópultty oqý-jat­tyǵýy­na jáne «Kysh» oqý-jat­ty­­ǵýyna qaty­sýy jaýyngerlik daıar­lyq deń­geıin arttyrýǵa, son­daı-aq ár­túrli jaǵdaılarda ja­ýyn­gerlik is-qımyldar daǵ­dy­­laryn pysyq­taýǵa múm­kin­dik beredi.

Kezdesý sońynda Qorǵanys mınıstri Nurlan Ermekbaev Túrkııa Qorǵanys mınıstriniń Qazaqstanǵa saparynyń qory­tyn­dylary áskerı jáne áske­rı-tehnıkalyq saladaǵy eki­jaqty ózara is-qımylǵa jańa serpin beretinin jáne qaýip­sizdik múd­delerine qyzmet ete­tinin atap ótti.