Cheh parlamentshileri – Senatta

Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Cheh Respýblıkasy Senaty Tóraǵasynyń orynbasary, palatanyń burynǵy tóraǵasy Prshemysl Sobotka bastaǵan chehııalyq parlamentshiler delegasııasymen kezdesti, dep habarlady Qazaqstan Parlamenti Senatynyń baspasóz qyzmeti.

Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Cheh Respýblıkasy Senaty Tóraǵasynyń orynbasary, palatanyń burynǵy tóraǵasy Prshemysl Sobotka bastaǵan chehııalyq parlamentshiler delegasııasymen kezdesti, dep habarlady Qazaqstan Parlamenti Senatynyń baspasóz qyzmeti.

Cheh delegasııasy parlament­aralyq baılanystardy il­geriletý, zań shyǵarý qyz­me­ti boıynsha tájirıbe almasý, sondaı-aq ónerkásip, aýyl sharýashylyǵy jáne kó­lik salalarynda ekijaqty yn­tymaqtastyqty keńeıtý maq­satynda Qazaqstanǵa saparmen kelgen bolatyn.

Kezdesý barysyn­da Qa­zaq­stan men Chehııanyń ózara tıimdi is-qımylynyń aýqymdy máseleleri boıynsha pikir almasyldy. Q.Toqaev ekijaqty túrde de, Eýropalyq Odaqpen strategııalyq áriptestik aıasynda da Chehııamen yn­tymaqtastyqty damytý Qa­zaq­stan úshin mańyzdy ekenin atap ótti.

Onyń pikirinshe, eki eldiń zań shyǵarý organdary, ási­re­se, Qazaqstan Prezıdenti Nur­sul­tan Nazarbaevtyń 2012 jyl­ǵy qazan aıynda Pragaǵa bar­ǵan resmı sapary barysynda qol jetken kelisimder men ýaǵ­dalastyqtar turǵysynda ózara tıimdi yntymaqtastyqty tereńdetýge belsendi túrde atsalysyp keledi. Q.Toqaev EQYU Parlamenttik Assambleıasyndaǵy ózara is-qımylǵa erekshe mańyz berip, 2017-2018 jyldary BUU Qaýipsizdik Keńesine turaqty emes múshe retinde saılanýǵa Qazaqstannyń kandıdatýrasyn qoldaýǵa ótinish bildirdi.

P.Sobotka Qazaqstan Cheh Respýblıkasynyń basymdyqqa ıe áriptesteriniń biri ekenin atap ótti. Parlamentshi Astanadaǵy Halyqaralyq EKSPO-2017 kórmesine Chehııanyń belsendi túrde qatysýǵa nıettenip otyrǵanyn jetkizdi.

Senattyń Ekonomıkalyq damý jáne kásipkerlik, Tabıǵatty paıdalaný jáne aýyldyq aýmaqtardy damytý, sondaı-aq, Halyqaralyq qatynastar, qorǵanys jáne qaýipsizdik jónindegi turaqty komıtetter músheleri men cheh depýtattarynyń kezdesýlerinde parlamentaralyq baılanystardyń keleshegi týraly jan-jaqty áńgime boldy.

Sapar barysynda Chehııa Senatynyń delegasııasy Indýs­trııa jáne jańa tehnologııa­lar, Aýyl sharýashylyǵy, Kó­lik jáne kommýnıkasııa mınıstr­likteriniń, «Qazaqstan temir joly» aksıonerlik qoǵamynyń basshylyǵymen kezdesedi. Son­daı-aq, delegasııa Chehııanyń Plzen aımaǵymen belsendi yn­tymaqtastyq ornatqan Shyǵys Qazaqstan oblysyna barady.