Birneshe óńirde respýblıkalyq mańyzy bar joldar ýaqytsha jabyldy

Ulytaý jáne Qaraǵandy oblystary

Saǵat 07:30-dan bastap «Qyzylorda – Jezqazǵan – Qaraǵandy – Shiderti» avtojolynyń 433-788 shaqyrym aralyǵyndaǵy ýchaskesi (Jezqazǵan qalasy men Qaraǵandy oblysy shekarasy arasyndaǵy bólik) ýaqytsha jabyldy. Jol qozǵalysyn qalpyna keltirýdiń boljamdy ýaqyty 11:30-ǵa bekitilgen.

Abaı oblysy

Saǵat 09:00-den bastap Abaı oblysyndaǵy birneshe respýblıkalyq mańyzy bar avtojoldarda qozǵalys ýaqytsha shekteldi.

 Atap aıtqanda:

• «QHR shekarasy – Maıqapshaǵaı – Qalbataý – Semeı – Pavlodar – RF shekarasy» avtojolynyń 756-906 km aralyǵy;
• «Almaty – Taldyqorǵan – О́skemen – Shemonaıha – RF shekarasy» avtojolynyń 778-967 km jáne 971-1013 km aralyqtary;
• «О́skemen – Semeı» avtojolynyń 103-198 km aralyǵy.

Atalǵan ýchaskeler boıynsha qozǵalystyń ashylýy 14:00-15:00 aralyǵyna josparlanǵan.

Jańbyr, daýyl, tuman: Elimizde aýa raıy kúrt qubylady

Shyǵys Qazaqstan oblysy

Saǵat 09:00-de Shyǵys Qazaqstan oblysynda da birqatar jol ýchaskeleri jabyldy. Olardyń qatarynda:

• «О́skemen – Semeı» avtojolynyń 12-45 km jáne 48-103 km aralyqtary;
• «О́skemen – Rıdder – RF shekarasy» avtojoly (0-105 km);
• «О́skemen – Altaı – Úlken Naryn – Katonqaraǵaı – Rahman qaınarlary» avtojoly (7-166 km);
• «Almaty – Taldyqorǵan – О́skemen – Shemonaıha – RF shekarasy» avtojolynyń 1089-1191 km jáne 1013-1062 km aralyqtary.

Atalǵan baǵyttar boıynsha qozǵalystyń ashylýy shamamen 14:00-ge josparlanǵan.

Aýa raıynyń qolaısyzdyǵyna baılanysty «QazAvtoJol» AQ júrgizýshilerden jolǵa shyǵar aldynda qaýipsizdik erejelerin saqtaýǵa shaqyrady.

Nurbolat AMANBEK