«Otar» 40-áskerı bazasynyń oqý ortalyǵynda Qazaqstan Qarýly Kúshteriniń kishi mamandaryn oqytýdyń kezekti kýrsy aıaqtaldy.
Dene daıarlyǵy, memlekettik-quqyqtyq jáne jaýyngerlik daıarlyq pánderi boıynsha emtıhandardy tabysty tapsyrǵan kýrsanttar alǵan mamandyqtary boıynsha ári qaraı kishi komandırlerdiń laýazymdarynda qyzmet atqarý úshin áskerı bólimderge jiberiletin bolady.
«Otar» 40-áskerı bazasynyń oqý ortalyǵynda Qazaqstan Qarýly Kúshteriniń kishi mamandaryn oqytýdyń kezekti kýrsy aıaqtaldy.
Dene daıarlyǵy, memlekettik-quqyqtyq jáne jaýyngerlik daıarlyq pánderi boıynsha emtıhandardy tabysty tapsyrǵan kýrsanttar alǵan mamandyqtary boıynsha ári qaraı kishi komandırlerdiń laýazymdarynda qyzmet atqarý úshin áskerı bólimderge jiberiletin bolady.
Kýrstyq daıarlyqtan ótýge iriktep alynǵan Qazaqstan Respýblıkasy Qarýly Kúshteriniń áskerı qyzmetshileri jarty jyl boıy SAÝ2S-3 ózdiginen júretin artıllerııalyq qondyrǵynyń zeńbirek komandıri, mehanık-júrgizýshisi, mınomet komandıri, barlaý jáne nysana kórsetý bastyqtary, bólimshe komandıri – topogeodezıster, komandır-esepteýshiler, jaıaý ásker jaýyngerlik mashınasynyń mehanık-júrgizýshileri, kózdeýshi-operatorlary, BTR mehanık-júrgizýshileri, T-72 tankiniń mehanık júrgizýshileri sııaqty mamandyqtar boıynsha daıyndyqtan ótti.
Kishi komandırlerdi daıarlaý kezinde qarýdyń ár túrinen atýǵa, jaýyngerlik mashınalardy júrgizýge jáne kýrsanttardyń dene daıarlyǵyn damytýǵa erekshe kóńil bólindi.
Oqý ortalyǵynda daıarlyqtan ótken jas kýrsanttar bilimderin tek jaýyngerlik daıarlyq pánderimen tolyqtyryp qana qoımaı, túrli is-sharalar barysynda ózderiniń sporttyq jáne shyǵarmashylyq qabiletterin kórsetýge múmkindik aldy. Jaýyngerlik daıarlyq pánderi boıynsha emtıhandardan tabysty ótken kýrsanttarǵa kýrstyq daıarlyqty aıaqtaǵandary týraly kýálikter berildi.
Saltanatty sharanyń sońyna qaraı barlyq qatysýshylarǵa arnalyp Garnızondyq ofıserler úıinde konsert qoıyldy.
«Egemen-aqparat».
