Qazaqstan Prezıdenti janyndaǵy Ortalyq kommýnıkasııalar qyzmetinde Qazaqstan halqy Assambleıasy atynan saılanǵan Májilis depýtattary Egor Kappel, Roman Kım, Ahmet Muradov, Nadejda Nesterova jáne Rozaqul Halmuradov qatysqan brıfıngte Májilistegi QHA depýtattyq tobynyń jumysy jan-jaqty tanystyryldy.
Qazaqstan Prezıdenti janyndaǵy Ortalyq kommýnıkasııalar qyzmetinde Qazaqstan halqy Assambleıasy atynan saılanǵan Májilis depýtattary Egor Kappel, Roman Kım, Ahmet Muradov, Nadejda Nesterova jáne Rozaqul Halmuradov qatysqan brıfıngte Májilistegi QHA depýtattyq tobynyń jumysy jan-jaqty tanystyryldy.
QHA atynan saılanǵan Májilistegi depýtattyq toptyń quramyna úsh saıası partııanyń ókili bolyp tabylatyn jáne Májilistiń jeti komıtetinde jumys isteıtin 12 depýtat kiredi. Atalǵan depýtattyq top týraly bekitilgen ereje jáne jumys jospary bar. Májilistiń Ekologııa máseleleri jáne tabıǵatty paıdalaný komıtetiniń múshesi Egor Kappel atalǵan depýtattyq top jumysyn keńinen áńgimeledi. Onyń aıtýynsha, kóppartııaly Parlamentte QHA depýtattyq toby partııaaralyq dostastyqtyń únqatysý alańy qyzmetiniń kóptúrli ádis-tásilderin qoldanady. «Bizdiń únqatysý alańymyzda áleýmettik mańyzdy máseleler, atap aıtqanda, azyq-túlik taýarlarynyń shekti baǵalarynan bastap aýyldyq aýmaqtardy damytýdyń memlekettik baǵdarlamalaryna deıingi barlyq derlik máseleler talqylanady», dedi depýtat óz sózinde.
E.Kappel bul rette saıası básekelestik bar ekenin, biraq ta ol táýelsizdik, ulttyq birlik, beıbitshilik jáne kelisim sııaqty negizgi máseleler boıynsha jalpyulttyq konsensýsty joqqa shyǵarmaıdy degendi de erekshe atap ketti. Depýtattyq top partııaaralyq yntymaqtastyq fýnksııasyn atqarady, bul máseleler boıynsha is-sharalardyń arnaıy qoǵamdyq-saıası jospary jasalǵan. Ondaǵy basty maqsat qoǵamdyq-saıası turaqtylyqty, qoǵamdyq-ulttyq kelisimdi zańnamalyq qamtamasyz etý jáne táýelsizdikti nyǵaıtý bolyp tabylady. Memleket basshysy atap kórsetkendeı, Assambleıa – jalpyhalyqtyq ókildik, ıaǵnı azamattyq, jalpyhalyqtyq ınstıtýt, dedi ol.
Depýtat memlekettik mádenıet qazaq mádenıeti bolyp tabylatynyn, al onyń aınalasyna 130-dan astam etnos ókilderiniń mádenıetteri shoǵyrlanýy qajettigin atap ótti. Mádenıetter joıylyp ketpeıdi, qaıta bir-birin damytyp otyrady. Memleket basshysy, Qazaqstan halqy Assambleıasynyń Tóraǵasy Nursultan Nazarbaev atap kórsetken jáne Assambleıa depýtattary qoldaǵan «altyn ereje» týraly da aıtylmaı qalmady. «Taǵdyrdyń jazýymen bizdiń elimizde 130 ult pen ulystyń ókilderi turyp jatyr. Qazaqstan halqy Assambleıasynyń atynan 9 depýtat osy ulttardyń ókilderi retinde saılandy. Jáne o basta naqty aıtylǵandaı, bizdiń eshqaısymyzdyń bir ǵana etnostyń atynan ǵana sóıleýimizge quqyǵymyz joq. Biz osy «altyn erejeni» ustanamyz, osy erejege baǵynamyz», dedi E.Kappel.
Májilistiń joǵaryda atalǵan komıtetiniń múshesi Ahmet Muradov Qazaqstan halqy Assambleıasy burynǵy keńestik keńistikte jáne basqa memleketterde jumys isteıtin basqa Assambleıalarǵa qaraǵanda biregeı ekenin erekshe atady. Qurylymy qoǵamdyq-halyqtyq ekenin, al ony Qazaqstan Prezıdenti basqaratynyn tilge tıek etken depýtat osynyń ózi Assambleıa mártebesine halyqaralyq deńgeıde qyzyǵýshylyq tanytylyp otyrǵanyna nazar aýdardy. «Bizge elimizdiń barlyq óńirlerinen ótinishter kelip túsedi, ultyna, ulysyna qaramastan, barsha azamattar aryz-shaǵymdaryn aıtyp jatady. Iаǵnı, baılanys bar degen sóz. Olar bizdiń Parlament otyrysynda atqarýshy organdarǵa saýal salýymyzǵa negiz bolady», dedi Ahmet Seıdarahmanuly.
Sondaı-aq, Májilistiń Agrarlyq máseleler komıtetiniń múshesi Rozaqul Halmuradov qazaq jerin meken etken etnos ókilderi tatýlyǵynyń syryn bylaısha sıpattap berdi: «Bul syr qazaq halqynyń keńpeıildigi men qonaqjaılyǵynda, tabıǵı bolmysy men bitimgershilik jaratylysynda jatyr», dedi ol. Qazaq halqynyń basynan ótkergen qıyndyqtaryn sanamalap bergen depýtat solardyń barlyǵyn etnos ókilderi biletindigin alǵa tartty. «Sol sebepten óz taǵdyryn qazaq halqymen birge baılanystyrǵan etnos ókilderine eń kerektisi elimizdiń birligi, qoǵamdyq kelisim, turaqtylyq jáne tatýlyq. Sol bolatyn bolsa, Elbasynyń «Qazaqstan-2050» Strategııasynda aıtqan damyǵan 30 memlekettiń qataryna qosylamyz degen tapsyrmasy mindetti túrde oryndalatyn bolady», dedi Rozaqul Satybaldyuly.
Asqar TURAPBAIULY,
«Egemen Qazaqstan».
