L.N.Gýmılev atyndaǵy Eýrazııa Ulttyq ýnıversıtetiniń kitaphanasynda kórnekti ádebıettanýshy, qoǵam qaıratkeri, akademık Seıit Qasqabasov oqyrman qaýymmen kezdesti. Oǵan Seıit aǵanyń shákirtteri, áriptesteri, sondaı-aq, EUÝ-diń stýdentteri men Astana qalasynyń mektep kitaphanashylary jáne ǵylymı kitaphana qyzmetkerleri qatysty.
L.N.Gýmılev atyndaǵy Eýrazııa Ulttyq ýnıversıtetiniń kitaphanasynda kórnekti ádebıettanýshy, qoǵam qaıratkeri, akademık Seıit Qasqabasov oqyrman qaýymmen kezdesti. Oǵan Seıit aǵanyń shákirtteri, áriptesteri, sondaı-aq, EUÝ-diń stýdentteri men Astana qalasynyń mektep kitaphanashylary jáne ǵylymı kitaphana qyzmetkerleri qatysty.
Kezdesý barysynda jınalǵandar akademıktiń ómir joly, qazaq ádebıetin damytýǵa qosqan zor úlesi jaıly sóz sabaqtady. Seıit Asqaruly bolsa, ǵylym jolyna alǵash aıaq basqan sátteri, iri tulǵalarmen kezdesýleri jaıly áńgimeledi.
Seıit Qasqabasov – elimizge belgili tulǵa. Onyń ǵylym salasynda baǵyndyrǵan bıikteri shoqtyqty. Ol – Qazaqstan Respýblıkasy Ulttyq ǵylym akademııasynyń akademıgi, Qazaqstan Respýblıkasy Memlekettik syılyǵynyń laýreaty, Sh.Ýálıhanov atyndaǵy syılyqtyń laýreaty, fılologııa ǵylymdarynyń doktory, professor.
Kezdesýge qatysýshylar arnaıy uıymdastyrylǵan kitap kórmesin jáne akademıktiń ómirinen syr shertetin fotosýretterdi tamashalady.
«Egemen-aqparat».
