Onyń aıtýynsha, Japonııa bıligi tabıǵı taza qoǵam qurýǵa umtylmaq. Osylaısha, úkimet basshysy Eýropalyq odaqtyń mejesin oryndaýǵa ýáde berdi. Osyǵan baılanysty eldegi kompanııalar halyqaralyq talaptarǵa saı jumys isteýge kóshýi tıis. Qadam-qadam arqyly júzege asyrylatyn josparǵa sáıkes, aýaǵa bólinetin kómirtegi gazy 2050 jyly múldem joıylmaqshy.
Buǵan deıin el bıligi 2050 jylǵa qaraı parnıkti gazdardy bólý kólemin 80 paıyzǵa azaıtyp, ǵasyrdyń aıaǵynda múldem qutylýǵa ýáde bergen-di. Degenmen tabıǵat qorǵaýshylar sol kezdegi úkimetti naqty merzimdi kórsetpegeni úshin synǵa aldy. Ioshıhıde Sýga usynǵan bastama jahandyq jylynýdyń aldyn alý boıynsha qabyldanǵan Parıj kelisimi aıasynda júzege asyrylady.
