2013 jylǵy 26 tamyzAstana, Úkimet Úıi
Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý qaǵıdalaryn bekitý týraly
2013 jylǵy 26 tamyzAstana, Úkimet Úıi
Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý qaǵıdalaryn bekitý týraly
«Terrorızmge qarsy is-qımyl týraly» 1999 jylǵy 13 shildedegi Qazaqstan Respýblıkasy Zańynyń 21-1-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdagy № 858 qaýlysymen bekitilgen
Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý qaǵıdalary
1. Osy Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý qaǵıdalary (budan ári – Qaǵıdalar) terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardy jerleý tártibin aıqyndaıdy.
2. Terrorızm aktisin jasaýy saldarynan, sondaı-aq olar jasaǵan terrorızm aktisiniń jolyn kesý kezinde ólgendikten, terrorıstik is-áreketke qatysýyna baılanysty ózderine qatysty qylmystyq qýǵyndaý toqtatylǵan adamdardyń máıitteri jerleýge berilmeıdi jáne olar jerlengen oryn týraly habarlanbaıdy.
3. Osy Qaǵıdalardyń 2-tarmaǵynda kórsetilgen adamdardy jerleýdi qaladaǵy aýdan, aýdandyq mańyzy bar qala, kent, aýyl, aýyldyq okrýg ákimi uıymdastyrady jáne týystary joq adamdardy jerleý úshin arnaıy bólingen oryndarǵa (zırattarǵa) jerleý rásimi boıynsha halyqqa qyzmet kórsetýmen aınalysatyn uıymdar (budan ári – jerleýdi júzege asyratyn uıymdar) júzege asyrady.
Jerleý boıynsha qyzmet kórsetýshini tańdaý, sondaı-aq onymen memlekettik satyp alý týraly shart jasasý Qazaqstan Respýblıkasynyń memlekettik satyp alý týraly zańnamasynda belgilengen tártippen júzege asyrylady.
4. Jerleýdi júzege asyrý úshin qylmystyq qýdalaý organy osy Qaǵıdalardyń 3-tarmaǵynda kórsetilgen laýazymdy adamdarǵa qajetti ilespe qujattardy, onyń ishinde osy Qaǵıdalardyń 2-tarmaǵynda kórsetilgen adamdarǵa qatysty qylmystyq isti jáne qylmystyq qýdalaýdy toqtatý týraly qaýlynyń kóshirmesin, sondaı-aq sot-medısınalyq saraptamasy organy bergen qaıtys bolý týraly dárigerlik kýálikti joldaıdy.
5. Shetel azamattarynyń jáne Qazaqstan Respýblıkasyna basqa memleketterden kelgen azamattyǵy joq adamdardyń qaıtys bolǵany týraly aldyn ala tergeý júrgizgen organ Qazaqstan Respýblıkasy Syrtqy ister mınıstrligi arqyly tıisti memleketterdiń dıplomatııalyq ókildikterine nemese konsýldyq mekemelerine habarlaıdy.
6. Qaıtys bolý týraly dárigerlik kýáliktiń negizinde jerleýdi júzege asyratyn uıymnyń ákimshiligi tirkeý kitabynda tıisti jazba júrgizedi jáne qabirge zıratqa tirkeý nómirin beredi.
Tirkeý kitabyna mynadaı málimetter: jerleý jyly, aıy, kúni, qabirdiń nómiri, týǵan jáne qaıtys bolǵan kúni, qaıtys bolý týraly dárigerlik kýáliktiń nómiri, kúni jáne kim bergeni, jerleýdi júzege asyratyn uıymnyń ataýy men mekenjaıy jazylady.
Qaıtys bolǵan adamnyń tegi, aty, ákesiniń aty tirkeý kitabynda kórsetilmeıdi.
Jerleýdi júzege asyratyn uıym ákimshiligi osy Qaǵıdalardyń 3-tarmaǵynda kórsetilgen laýazymdy adamdarǵa jerleý kúnin kórsetip, keıinnen ony qylmystyq iske tigý úshin aldyn ala tergeýdi júrgizetin organǵa jiberý maqsatynda jerleý týraly kýálik beredi.
7. Qaıtys bolǵandardy jerleý oryndaryna tasymaldaý men jetkizýdi jabyq tabyttarda (qajet bolǵan jaǵdaıda myryshtalyp, dánekerlengen túrde) jerleýdi júzege asyratyn uıym jasaıdy.
8. Qabirdi qazýdy, tabytty oǵan túsirýdi, qabirge topyraq salyp jabýdy jerleýdi júzege asyratyn uıym júrgizedi.
9. Aldyn ala tergeýdi júrgizetin organnyń sheshimi boıynsha osy Qaǵıdalardyń 2-tarmaǵynda kórsetilgen adamdardyń týysqandaryna sot-medısınalyq saraptamasy organy bergen qaıtys bolý týraly dárigerlik kýáliktiń jáne máıittiń sot-medısınalyq saraptamasy qorytyndysynyń kóshirmeleri beriledi, sondaı-aq adamnyń alýǵa jáne qylmystyq iske tigýge jatpaıtyn jeke zattary beriledi.
10. Osy Qaǵıdalardyń 2-tarmaǵynda kórsetilgen adamdardy jerleý is-sharalaryn qarjylandyrý jergilikti bıýdjette kózdelgen qarajat esebinen jáne onyń sheginde júzege asyrylady.
