Aımaqtar • 29 Qazan, 2020

Ekinshi tolqynǵa Batys Qazaqstan daıyn ba?

52 ret kórsetildi

Batys Qazaqstan oblysyna jumys saparymen kelgen Qazaqstan Respýblıkasy Premer-Mınıstriniń orynbasary Eraly Toǵjanov óńirdiń COVID-19 týyndaýy múmkin ekinshi tolqynyna daıyndyǵymen tanysty, dep habarlaıdy Egemen.kz.

Sýretti túsirgen Rafhat HALELOV

Memleket basshysynyń tapsyrmasyna sáıkes óńirlerdiń epıdemıologııalyq jaǵdaıymen jáne koronavırýs ınfeksııasynyń ekinshi tolqynyna daıyndyǵymen tanysyp júrgen Eraly Toǵjanov Batys Qazaqstan oblysyndaǵy jumys saparyn Qazaqstan men Reseı Federasııasy arasyndaǵy shekaradan bastady.

Batys Qazaqstan oblysy Reseıdiń bes gýbernııasymen shektesedi. Osy shekara boıynda 9 ótkizý beketi bar. Reseı tarapynan Batys Qazaqstan shekarasyna orta eseppen aıyna 50 myńdaı kólik, 80 myńnan asa adam ótedi eken. Osy halyq aǵyny eń kóp ótetin Syrym shekara beketiniń jumysymen tanysqan Eraly Toǵjanov covid-19 ınfeksııasynan qorǵaný sharalarynyń qalaı uıymdastyrylǵanyn tekserdi.

47

Sońǵy aptada Reseı Federasııasynda bir táýlikte koronavırýs ınfeksııasy anyqutalǵan adamdardyń sany 16-17 myńnan túspeı tur. Osyǵan oraı shekaradaǵy saqtyqty kúsheıtý qajettigi kún tártibinde tur. Búginde qolynda PTR test anyqtamasy joq shetel azamattaryna Qazaqstan shekarasynan ótýge tyıym salynǵan. Halyqaralyq júk tasymalymen aınalysatyn tranzıttik júk kólikteriniń júrgizýshileri tek anketa toltyryp, ózderi týraly málimetti qaldyrady da shekaradan óte beredi. Al elge qaıtqan óz otandastarymyzdy tekserý úshin arnaıy zerthana ashylǵan.

25

Koronavırýs ınfeksııasynyń taralýyna jol bermeý jónindegi vedomstvoaralyq komıssııanyń jetekshisi Eraly Toǵjanov budan keıin Oral qalasyndaǵy kópbeıindi aýrýhanasynda bolyp, óńirdiń COVID-19 ekinshi tolqynyna daıyndyǵymen tanysty. Elimizde koronavırýs juqpasynyń alǵashqy tolqyny kúsheıip turǵan kezinde oblysta jedel járdem kólikteri men ókpeni jasandy jeldetetin qurylǵylar tapshy bolǵany belgili. Memleket basshysynyń tapsyrmasymen Oral qalalyq jáne 9 aýdandyq medısına bólimderi sý jańa kólikke ıe boldy. 20 reanımobıl Oral qalalyq jedel járdem stansasyna berilse, 9 jyljymaly medısınalyq-dıagnostıkalyq aavtokeshen Aqjaıyq, Bókeı ordasy, Bórli, Jańaqala, Jánibek, Terekti, Tasqala, Qaratóbe jáne Shyńǵyrlaý aýdandaryna – shalǵaı aýyl turǵyndaryna ýaqytyly sapaly medısınalyq qyzmet kórsetýge attandy.

"Dárigerler qaýymyna, ásirese únemi qaýipti dertpen kúreste alǵyshepte júretin jedel járdem qyzmetkerlerine janqııarlyq eńbekterińiz úshin kóp-kóp rahmet aıtamyz! Búgin tabys etilip otyrǵan tehnıka – elge, halyqqa jasalǵan qamqorlyq. Qazaqstan Prezıdenti Qasym-Jomart Kemelulynyń tikeleı tapsyrmasymen osynyń bári óz elimizde jasalýda. Kúni búgin 1157 kólik jasalyp, Qazaqstannyń barlyq oblysyna berilip jatyr", dedi Eraly Toǵjanov «Jedel járdem» qyzmetkerlerimen kezdesýde.

12

Sońǵy úlgidegi jabdyqtarmen jaraqtalǵan bir reanomobıldiń quny shamamen 34 mln teńge bolady eken. Munda naýqastyń jaǵdaıyn dereý anyqtaıtyn monıtor, ókpeni jasandy jeldetetin germanııalyq qondyrǵy, ottegi balondary, beınebaqylaý kamerasy bar. S kategorııaly sanıtarlyq kólikter syıymdylyǵy 2 lıtrlik ottegi ballonymen jabdyqtalǵan, ol ottegi 7-8 saǵat boıy tynys alýǵa jetedi eken. Tipti ol taýsylǵan jaǵdaıda osy kóliktiń ishinde balondy qaıta toltyryp alýǵa múmkindik bar. Júrgizýshi kólikke naýqasty kirgizip-shyǵaratyn esikti óz ornynan basqaryp, ashyp-jaba alady. Iаǵnı naýqaspen qarym-qatynas jasamaıdy. Bul degenińiz vırýs juqtyrý qaýpi azaıady degen sóz.

Otandyq kásiporyn qurastyryp shyǵarǵan jyljymaly medısınalyq-dıagnostıkalyq keshen sıfrlyq qondyrǵylarmen jabdyqtalǵan jeti kabınetten turady. Kez kelgen jerde qyzmet kórsete alatyn keshendi shaǵyn aýrýhana deýge bolady. Alys aýdanǵa, shalǵaı aýylǵa barǵan bul keshen turǵyndardy qalaǵa sabyltpaı, bir jerden tekserip, dıagnostıka jasaıdy.

36

"Koronavırýstyń ekinshi tolqynyna tótep berý úshin bizdiń qalalyq kópbeıindi aýrýhana tıisti daıyndyq jasady. Qajet bolǵan jaǵdaıda 450-ge jýyq naýqasty qabyldaı alamyz. Eki aıǵa jetetin dári-dármek pen qosymsha jabdyqtarymyz bar", dedi Oral qalalyq kópbeıindi aýrýhana dırektory Arman Qalıbekov vıse-premerge aýrýhananyń daıyndyǵyn tanystyryp.

Vıse-premer Oral qalasynda koronavırýs ınfeksııasynyń taralýyna jol bermeý jóninde jedel keńes ótkizdi. Batys Qazaqstan oblysy ákiminiń orynbasary Aıdar Nuralıev óńirde koronavırýstyń ekinshi tolqynyn qarsy alý úshin dári-dármektiń eki aılyq, qorǵanysh quraldarynyń bir jarym aılyq qory bar ekenin aıtty. Aýrýhanalarda 518 tósek oryn daıyndalǵan. Qosymsha 2244 tósek ashýǵa múmkindik bar.

9

"Batys Qazaqstan oblysynyń jaǵdaıy Qudaıǵa shúkir, jaman emes. Biz qıyn jaǵdaılardy basymyzdan ótkerdik. Maýsym-shilde aıyndaǵy oqıǵalardy eshkim umyta qoımaǵan bolar. Umytqan azamattar bolsa qaıta-qaıta esine salý kerek. Basynda aýrýdyń baryna senbeı júrgender de boldy, keıin kesh túsinip, ókinip qalǵandar kezdesti. Qazir elimiz qajetti dári-dármekpen qamtamasyz etildi, óńirlerge tolyq jetkizildi. Dárihanalarǵa SK Farmasııa arqyly qarajat bólgizip, qajet kezinde bólshek saýdadaǵy jaǵdaıdy da baqylap otyrýǵa múmkindik bar", dedi óz sózinde Eraly Toǵjanov.

Keńes qorytyndysynda Eraly Toǵjanov óńir basshylyǵyna oblystaǵy epıdemıologııalyq ahýaldy qatań qadaǵalaýdy, halyqty jáne medısınalyq mekemelerdi dári-dármekpen, ókpeni jasandy jeldetý qondyrǵylarymen jáne ottegi konsentratorlarymen qamtamasyz etýdi erekshe baqylaýda ustaýdy tapsyrdy. Sondaı-aq "Saq bol!" mobıldi qosymshasynyń tıimdiligin halyqqa túsindirý qajettegin aıtyp ótti.

25

Budan keıin vıse-premer Oral qalasynda salynyp jatqan 200 oryndyq modýldi aýrýhana qurylysymen tanysty.

"Aýyryp em izdegenshe, aýyrmaıtyn jol izde" deıdi halyq danalyǵy. Sondyqtan da karantın rejımin saqtaý qajettiligi týraly halyq arasynda túsindirý jumystaryn barynsha kúsheıtý qajet. Vıse-premer óńir basshysyna jıi qaıtalap tapsyrǵan másele osy boldy.

Batys Qazaqstan

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar