Úsh tildi tel emgen jazýshy, aýdarmashy, pýblısıst, ádebıet zertteýshisi G.Belger qazaq dalasynyń úlken patrıoty edi. Onyń ómir joly kimge bolsa da úlgi bola alary sózsiz.
1934 jyly 28 qazanda Edil boıyndaǵy Engels qalasynda týǵan Geroldtyń otbasy 1941 jyly Soltústik Qazaqstandaǵy qazaq aýylyna jer aýdarylyp keledi. Feldsher bolǵan ákesi Karldy qazaqtar Belger degen famılııasyn ózgertip, "bilgir" dep atap ketken. Ol shynynda bilgir dáriger bolyp, talaı turǵyndardy emdegen. Al Gera degen at alǵan balasy Gerold te qazaq arasyna ońaı úırenip, tildi taza úırenýimen qatar qazaqtyń salt-dástúrin de boıyna sińirgen. Mektepti altyn medalǵa bitirse de ony Máskeýdiń JOO-syna qabyldamaǵan. Sondyqtan ol Almatydaǵy QazPI-di bitirgen. Onyń barlyq ómir joly qazaq ádebıetine qyzmet etýge arnaldy. Ol qazaq ádebıetiniń klassıkteri B.Maılın, Ǵ.Músirepovterdi orysshaǵa aýdarǵan. Keıin Á.Nurpeıisov, D.Dosjanov jáne t.b. aýdarady. Ol 1992 jyly Prezıdenttiń «Beıbitshilik jáne rýhanı kelisim» syılyǵyn alǵan.
Onyń óziniń eńbekteri jeńil ıýmormen qazaq bolmysyn, qazaqstandyq shyndyqty ashýǵa arnalǵan. Naqpa-naq berilgen sýretteri úshin ony halyq jaqsy kórdi. О́mir boıy Almatyda tursa da ol óziniń ósken jeri Soltústik Qazaqstan oblysy, aqqaıyńdy araldar dep aıtýdan jalyqpaǵan. Esil óńirindegi dostarymen de ómir-boıy tyǵyz baılanysyp turǵan. Sondyqtan da onyń ómirin jerlesterine etene tanystyrý, jastarǵa ómirin úlgi etý – búgingi kúnniń mindeti. PD bolǵan kezdesýde "ult janashyry" degen taqyrypta "Qyzyljar" qosymsha bilim berý jáne qyzmet kórsetý ortalyǵy" JShS dırektory Janat Muhamedjanovtyń tartymdy baıandamasy tyńdaldy. PD Ishki jáne syrtqy kommýnıkasııalar bóliminiń basshysy Mádına Balǵashoqova osyndaı praktıkalyq sabaqtar belgili qoǵam qaıratkerleriniń ómiri jaıly tereńirek bilýge jáne olardyń shyǵarmashylyǵynyń mańyzdylyǵyn ashýǵa múmkindik beretinin aıtty. Karantındik is-sharalarǵa baılanysty aýdıtorııany tolyq qamtýǵa múmkindik bolmasa da onlaın-formattar men tikeleı efırlerdiń kómegi tıip jatty.
Soltústik Qazaqstan oblysy
