Mine, osy saýaldarǵa qatysty jaıttar Premer-Mınıstrdiń orynbasary Eraly Toǵjanovtyń tóraǵalyǵymen munaıly óńirde ótken jedel keńeste taǵy bir márte talqylandy. О́ıtkeni dál qazirgi maqsat – jahan jurtyna qaýip tóndirgen koronavırýs ınfeksııasynyń ekinshi tolqynynyń aldyn alý. Sondyqtan Premer-Mınıstrdiń orynbasary óńir ákimdigine birneshe máseleni qamtyǵan tapsyrma júktedi.
Onyń birinshisi – epıdemııalyq ahýal. Bul másele óńir basshylarynyń udaıy baqylaýyna alynyp otyr. Degenmen oblystyq densaýlyq saqtaý basqarmasy baspasóz qyzmetiniń málimetine qaraǵanda, áli qaýipti indettiń tirkelýi toqtaǵan joq. Máselen, 28 qazandaǵy derekke júginsek, Atyraý oblysynda koronavırýs ınfeksııasyna shaldyqqan 11 266 naýqas tirkelip otyr. Osylaısha bul óńir qaýipti indettiń anyqtalýy boıynsha Nur-Sultan men Almaty qalasynan keıingi úshinshi orynda tur. Naýqastar ásirese Atyraý qalasynan kún saıyn anyqtalýda. Sondaı-aq aýdandarda da ınfeksııany juqtyrýshylar bar. Tipti Teńiz ken ornyndaǵy merdiger kompanııalardyń jumysshylary arasynan da koronavırýsty juqtyrý deregi jıi baıqala bastady.
– Atyraý oblysyndaǵy ınfeksııalyq stasıonarlarda koronavırýs ınfeksııasymen 49 adam emdelip jatyr. Onyń ishinde 29 naýqas №2 oblystyq juqpaly aýrýlar aýrýhanasynyń ınfeksııalyq stasıonarynda em qabyldaýda. Al Teńiz kenishindegi ınfeksııalyq stasıonarda 20 pasıent em alyp jatyr. Sondaı-aq 87 naýqas úı jaǵdaıynda emdelýde, – dep aqparat taratty basqarmanyń baspasóz qyzmeti.
Al Atyraý qalalyq prokýratýrasynyń málimetine súıensek, 324 adam aıyppul jazasyna tartylyp otyr. О́ıtkeni olar karantındik shekteý sharalarynyń talabyn buzǵan. Tek bir aptada túrli is-sharalardy ótkizýge baılanysty 32 quqyqbuzýshylyq anyqtalypty. Onyń ishinde meıramhanalar segiz saltanatty shara ótkizipti. Túngi mezgilde 16 dámhana-bar, kınozal, kompıýter klýbtary jumys istegen.
Mundaı derekterdi shekteý sharalary men sanıtarlyq talaptardyń saqtalýyn baqylaıtyn 114 monıtorıngtik top ta anyqtap otyr. Oblys ákimi Mahambet Dosmuhambetovtiń málimetinshe, 5 shilde – 17 qazan aralyǵynda arnaıy qurylǵan 114 mobıldik top 3 315 tekseris júrgizip, 477 karantın talaptaryn buzý deregin anyqtaǵan. Top músheleri úsh kúnde 2 273 nysandy tekserip shyqty. Máselen, 22 qazanda Atyraý qalasynda jasyryn toı jasaǵan eki derek áshkere boldy. Inder aýdanynda osyndaı eki derek tirkelipti.
Monıtorıngtik top taratqan aqparatqa súıensek, toı, sadaqa ótkizý ásirese Atyraý qalasynda, Jylyoı men Qyzylqoǵa aýdanynda jıi baıqalady. Reıd kezinde 75 dámhana, meıramhana sekildi qoǵamdyq tamaqtaný oryndarynyń shekteý sharalaryn elemeı, jumys istegeni belgili boldy. Onyń 67-si Atyraý qalasynda, beseýi Jylyoı aýdanynda tirkelip otyr. Sondaı-aq 102 azyq-túlik dúkeni bekitilgen ýaqyttan keıin de tutynýshylarǵa saýda jasaýdy toqtatpapty. О́ńir turǵyndary karantındik shekteý sharalary kúsheıtilgen 11 shildeden beri 70 otbasylyq sharany jasyryn ótkizipti.
Ekinshiden, turǵyndar men medısınalyq mekemelerdi dári-dármekpen qamtý máselesi de kún tártibinde tur. О́ıtkeni basy aýyryp, baltyry syzdaǵandardyń bári aldymen dárigerdiń keńesimen dári-dármek izdeıtini daýsyz. Ásirese koronavırýs sekildi eń qaýipti ınfeksııanyń qaıtalanýy múmkin ekinshi tolqynyna daıyndyq máselesi bosańsýdy da, enjarlyqty da kótermeıdi.
– Oblysta qajetti dári-dármekterdiń, onyń ishinde koronavırýs ınfeksııasyna qarsy preparattardyń eki-úsh aılyq qory bar. Dárihanalar jelisindegi dárilik zattardyń tómendemeıtin qoryn qamtamasyz etý úshin «Atyraý» áleýmettik-kásipkerlik korporasııasy» AQ arqyly turaqtandyrý qoryna 684,5 mln teńgege asa qajetti 40 túrli dári-dármekter satyp alyndy. Al 620,1 mln teńgeniń dárilik zattary turaqtandyrý qorynyń qoımasynda saqtaýly tur. Sondaı-aq 64,4 mln teńgeniń dárilik zattary oblystyń 164 dárihanasyna taratyldy. Sondaı-aq óńirge demeýshilik kómekpen 251,2 mln teńgeniń dárilik zattardyń 9 ataýy boıynsha dári-dármekter jetkizildi, – deıdi oblystyq densaýlyq saqtaý basqarmasynyń basshysy Ashan Baıdýálıev.
Úshinshiden, ókpeni jasandy jeldetý apparattarymen, ottegi konsentratorlarymen qamtamasyz etý máselesin erekshe baqylaýda ustaýdy tapsyrdy. Sebebi qaýipti indet órshigen jaz aılarynda osyndaı apparattardyń aýadaı qajettigi sezildi. Densaýlyq saqtaý basqarmasynyń basshysy A.Baıdýálıevtiń aıtýynsha, medısınalyq uıymdarǵa 224 jasandy tynys alý, 27 rentgen, 10 kompıýterlik tomografııa apparaty alynypty. Buǵan qosa 977 ottegi konsentratorymen, 1000 pýlsokısmetrmen qamtamasyz etildi.
– Qazir oblysta koronavırýs ınfeksııasynan emdeý úshin 520 ınfeksııalyq kereýet daıyn tur. Koronavırýs ınfeksııasynyń ekinshi tolqynyna daıyndyq aıasynda taǵy da 2 080 ınfeksııalyq, onyń ishinde 120 reanımasııalyq kereýetti jasaqtaý múmkindigi bar. Mundaı kereýetter ınfeksııalyq stasıonarlar jańa modýldik aýrýhanalarda, oblystyq aýrýhanalarda, sondaı-aq barlyq aýdandyq aýrýhana men Teńiz ken ornynda da daıyndalady, – deıdi A.Baıdýálıev.
Onyń aıtýynsha, óńirde úzdiksiz jumys isteıtin 8 PTR-test zerthana bar. Bul zerthanalar bir kúnde 3 636 test synamasyn zertteı alady. Al 224 jasandy tynys alý apparatymen qamtylǵan medısınalyq mekemelerge qosymsha taǵy 14 apparatty jetkizý kózdelipti. Qazir oblystyq perınataldyq ortalyqta ortalyqtandyrylǵan ottegi stansasy iske qosylǵan. Taǵy 7 medısınalyq uıymda ottegi stansasy iske qosylǵaly otyr.
О́ńirde 200 oryndyq modýldi ınfeksııalyq aýrýhana qurylysy júrip jatyr. Onda 180 stasıonarlyq tósek, 20 kereýettik reanımasııa men qarqyndy terapııa bólimderi bolady. Aýrýhana qurylysyn «Nort Kaspıan Opereıtıng Kompanı N.V.» kompanııasynyń tapsyrysymen «BI Industrial» JShS qolǵa alǵan edi.
Jobalaýshylardyń málimetine súıensek, ınfeksııalyq aýrýhanalar standartymen salynyp jatqan aýrýhana ǵımaraty jyldam qurastyrylatyn qurylys tehnologııasyna sáıkes, modýldi bloktardan turǵyzylýda. Medısına qyzmetkerleri men em alýshylardyń qaýipsizdigin qamtamasyz etetin zamanaýı quraldarmen jabdyqtalady. Aýrýhanada ákimshilik bóligi bar medısınalyq blok, qabyldaý-dıagnostıkalyq, operasııalyq blogy bar jansaqtaý, sondaı-aq galereıa túrindegi dálizben baılanysqan birneshe bólim bar. Nysan jobasy medısınalyq logıstıka men ınfeksııalyq baqylaýdy saqtaı otyryp, bir-birimen yńǵaıly baılanysqan bloktarmen jasaqtalypty. Karantındik jáne qarqyndy terapııa bólimderi bólek ornalasady.
Munda 56 eki, 16 úsh oryndyq palata, 6 bir oryndyq, kóshege jeke shyǵatyn esigi bar 7 eki oryndyq boks, qarqyndy terapııa bólimine 20 kereýetti oryn, qabyldaý-dıagnostıkalyq bólimine 5 boks qarastyrylyp otyr. Personalǵa arnalǵan sanıtarlyq baqylaý bólmeleri barlyq qurylymdyq bólimshede taza jáne ınfeksııalyq aımaqqa bólingen. Adamdardyń qozǵalysy bir-birine kedergi keltirmeıtindeı sanıtarlyq-gıgıenalyq jáne epıdemııalyq talaptar qarastyrylyp otyr.
Premer-Mınıstrdiń orynbasary Eraly Toǵjanov óńir basshylyǵyna koronavırýs ınfeksııasy taralýynyń aldyn alý qamy úshin osyndaı qadaý-qadaý máselelerdi nazarda ustap, sondaı-aq karantın rejimin saqtaý qajettigi týraly halyq arasynda túsindirý jumystaryn kúsheıtýdi tapsyrdy.
Atyraý oblysy
