Qoǵam • 30 Qazan, 2020

Eriktiler Ertistiń jaǵasyn jınady

25 ret kórsetildi

Keıbir adamdardyń sanasyna «qoqys shashpa» degen eki-aq sózdiń sińbeı-aq qoıǵany. Tabıǵatqa degen janashyrlyq bolsa, О́skemendegi Ertistiń, Ulan aýdanyndaǵy Dubyǵalynyń, Altaı jaqtaǵy Buqtyrma sý qoımasynyń jaǵalaýlarynan júzdegen qap qoqys shyǵar ma edi?!

 

Jelmen ushqan selofan paketter, aıaqtyń astynda shashylyp jatqan polıetılen bótel­ke­lerdiń shirimeı, ekologııany ǵasyrlap ýlap jatatynyn jaqsy bilemiz. Bile tura qoqys shashýdy qoıa almaı kelemiz. Ol degenimiz, adamdar arasyndaǵy mádenıettiń tómendigi shyǵar bálkim, kim bilsin?!  

Kerisinshe, óńirimizde qor­shaǵan ortaǵa janashyrlyq tanytyp júrgen azamattar da az emes. Az emes deımin, negizinen aınalany lastap júrgender az emes. Al ózen-kólderdiń mańaıyn tazalaýǵa shyqqan on-jıyrma azamat shashylǵan qoqysty túgeldeı derlik tazalap ketýleri múmkin emes, sa­ıyp kelgende mindetti de emes. Olar óz aınalamyzǵa paıdamyz tısin degen nıette uıymdasyp, ıgi istiń basy-qasynda júrgen eriktiler. Eriktilerdiń qataryna qyzyǵýshylyq tanytqan kez kelgen turǵyn qosyla alady.

Jýyrda volonterler qatary «Ablaketkanyń taza jaǵalaýy» atty taǵy bir top­pen tolyqty. Ony qurýǵa muryn­dyq bolǵan Ablaketka shaǵyn aýdanynyń turǵyny Svetlana Koroshko edi. Ertis jaǵalaýynda jıi serýendeıtin ol demalýshylardyń tastap ketken qaldyqtaryn shamasy kelgenshe, qoqys konteınerine aparyp salyp júretin. Biraq jaǵalaýda jaırap jatqan qoqys azaıar emes. Sóıtip ol jalǵyz óziniń jaǵalaýdy tazartyp shyǵýǵa múmkindigi joq ekenin sezip, áleýmettik jelide top qurǵan.        

– Men Ablaketkada tura­myn. Bizdiń aýdan úlken emes. Jaǵalaýdy qoqystan tazartýǵa atsalysyp júrgen basqa da turǵyndar bar. Biraq qatary­myz kóbeıse eken dep áleýmettik jelide top quryp, qala turǵyn­daryn qulaǵdar ettim, – deıdi Svetlana Koroshko.

Jospar júzege asyp, volonterler qatary kóbeıe berdi. О́z aýmaqtaryn tazartqan soń volonterler toby ortalyq jaqqa oıysqan. Qala ishindegi Astana kóshesi boıymen Úlbi jaǵalaýymen júrip ótken. Bir júrip ótkende-aq 111 qap qoqys jınaǵan.

– Qatarymyz ýaqyt ótken saıyn kóbeıip otyrdy. Kelesi jolynda bizdiń topty Buqtyrma sý qoımasy men Dubyǵaly kóli­niń jaǵalaýlaryn tazalaýǵa shaqyrdy. Jalpy, tórt reıd barysynda biz 300 qaptan asa qoqys jınadyq, – deıdi volonterler tobyn qurǵan Svetlana.

Volon­terlerdiń aıtýynsha, tazalyq jumystaryn júrgi­zetin aýmaq aldyn ala josparlanady. Olar jınaqtalǵan qal­dyq­­tardyń qoqys polıgonyna ýaqtly shyǵarylýy úshin qoqys shyǵaratyn uıymdarmen kelise­di. Sodan soń ýaqyttary men oryndy tańdap, iske kirisedi.

Uıymdastyrýshylar bastal­ǵan ıgi iske múmkindiginshe kóp adam tartýdy josparlap otyr. Ol úshin olar kórneki qural­da­ryn daıyndap, tabıǵattyń qalaı ózgeretinin kórsetkisi keledi. «Taza jaǵalaý» tobyna qosyl­ǵy­­sy keletin nemese qap, qol­ǵap satyp alýǵa kómekteskisi kele­tin­der­diń barlyǵy 8 705 530 17 67 te­le­fonyna habarlasa alady.

 

О́skemen

 

Sońǵy jańalyqtar

Memleket basshysy Alekseı Soıdy qabyldady

Prezıdent • Búgin, 17:08

Semeıge Saqtaǵanov ákim boldy

Taǵaıyndaý • Búgin, 16:21

Birneshe oblysta jol jabyldy

Qazaqstan • Búgin, 16:11

Aqsý qalasyna jańa ákim taǵaıyndaldy

Taǵaıyndaý • Búgin, 16:06

Jetisýda taǵy 78 adam indet juqtyrdy

Aımaqtar • Búgin, 12:32

Qazaqstanda aldaǵy úsh kúnde aıaz bolady

Aýa raıy • Búgin, 11:04

Jol apaty: Balqashta 2 adam qaza tapty

Aımaqtar • Búgin, 10:55

Qazaqstanda qansha advokat bary aıtyldy

Qazaqstan • Búgin, 10:44

Uqsas jańalyqtar