Jeksenbi kúni tańǵy saǵat 03: 00-de stansııalardaǵy barlyq velosıpedter buǵattalady, dep habarlaıdy ákimdiktiń resmı saıty CTS-ke silteme jasap.
Astana Bike velosıpedterin jalǵa berý jobasy elordada 2014 jyldan beri júzege asyrylyp keledi. Osy jyly joba CTS basqarýyna berildi. Osy ýaqyt aralyǵynda velobike.kz resmı saıty ózgertildi, onlaın-tirkeý, onlaın toltyrý jáne tólem fýnksııalary saıtta táýlik boıǵy rejımde engizildi; Kaspi.kz jáne QIWI arqyly tólem iske qosyldy. Monıtorıng úshin kameralar qoldanylady.
«Barlyq jańashyldyqtar qyzmet kórsetý sapasynyń aıtarlyqtaı ósýine yqpal etti, nátıjesinde paıdalanýshylar sany úsh ese artty. Iske qosylǵan sátten bastap júıege 14,2 myńnan astam jańa tutynýshy tirkeldi, 14 myń jazylym satyp alyndy, al velosıpedpen júrip ótken jalpy qashyqtyq 1,6 mıllıon km. Velosıpedti paıdalanýshylardyń kópshiligi erler - 61,5%, áıelder - 38,5%», - dep túsindirdi CTS kompanııasy.
Velosıpedterdi jalǵa alý merzimi aıaqtalǵan kezde stansııaǵa qaıtarýǵa bolatyndyǵyn eske salamyz. Balans kelesi maýsymǵa aýystyrylady. Qalasańyz, qalǵan bóligin R. Qoshqarbaeva dańǵyly, 50/1 meken-jaıy boıynsha CTS ortalyq kassasynan alýǵa bolady.
