Aımaqtar • 30 Qazan, 2020

Batys Qazaqstanda oblystyq basqarma basshysy paramen ustaldy

1239 ret kórsetildi

Batys Qazaqstan oblystyq densaýlyq saqtaý basqarmasynyń basshysy Bolatbek Kaıýpov 7,8 mln teńge para alǵany úshin qamaýǵa alyndy, dep habarlaıdy Egemen.kz.

"Batys Qazaqstan oblysy boıynsha Sybaılas jemqorlyqqa qarsy qyzmet Batys Qazaqstan oblysynyń Densaýlyq saqtaý basqarmasy basshysy men onyń sybaılasyna qatysty tergeýdi bastady. Olar 2020 jylǵy 12-23 qazan aralyǵynda kompanııa dırektorynan jalpy somasy 78 000 000 teńgege medısınalyq jabdyqtardy (monıtorlardy) jetkizýge memlekettik satyp alý týraly JShS-pen buryn jasalǵan sharttar boıynsha oryndalǵan jumystar men TMQ qabyldaý aktilerine kedergisiz qol qoıý úshin aıtarlyqtaı mólsherde para túrinde jalpy somasy 7 800 000 teńge alǵan", dep habarlady búgin Qazaqstan Respýblıkasy Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bıǵaıdarov.

Basqarma basshysy jáne onyń sybaılasy Qazaqstan Respýblıkasy Qylmystyq Prosessýaldyq Kodekstiń 128-baby boıynsha ustalyp, Oral qalalyq Polısııa Basqarmasynyńk ýaqytsha ustaý abaqtysyna qamalǵan. О́zge aqparat tergeý múddesine oraı jarııalanbaǵan.

1969 jyly týǵan Bolatbek Kaıýpov bul qyzmetine 2020 jyldyń naýryz aıynda taǵaıyndalǵan bolatyn. Oǵan deıin Mańǵystaý oblystyq aýrýhanasynyń dırektory bolyp qyzmet etken.

Sońǵy eki aptada elimizdiń Sybaılas jemqorlyqqa qarsy qyzmeti 85 oqıǵa boıynsha tergeý bastap, 8 laýazymdy tulǵany qamaýǵa alǵan.

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar