Qoǵam • 30 Qazan, 2020

Qazsýshar kásipornynda komplaens qyzmeti iske qosylady

19 ret kórsetildi

"Qazsýshar" RMK-de jemqorlyqqa qarsy turýǵa, jumystyń ashyqtyǵy men qoǵamdyq baqylaýdy qamtamasyz etýge baǵyttalǵan keshendi sharalar qabyldanýda. Atalǵan jumystardy júzege asyrý úshin kásiporynda ishki baqylaý qyzmeti iske qosylyp, senim telefon jelisi qurylǵan (8-777-986-86-36). Sonymen birge "Adaldyq alańy" jobalyq keńsesi jumys istep tur, dep habarlaıdy Egemen.kz.

Qazaqstanda komplaens-qyzmetterdi damytý jáne nasıhattaý jónindegi Halyqaralyq onlaın-forýmǵa qatysqan "Qazsýshar" RMK bas dırektorynyń sózinshe, qazir jemqorlyqqa qarsy sharalar salasy keńeıip, jańa tásilderdi talap etýde. Eske salaıyq, aǵymdaǵy jyldyń qazan aıynda Memleket basshysy Qasym-Jomart Toqaev jemqorlyqqa qarsy zańnamaǵa túzetýler engizgen. О́zgeris boıynsha, kvazımemlekettik sektorda komplaens-qyzmetter qurylýy tıis.

"Memleket basshysy komplaens-qyzmetterdi qurýǵa tapsyrma berdi. Onyń fýnksııasyna qyzmet barysynyń jemqorlyqqa qarsy zańnamaǵa sáıkestigin ǵana emes, jemqorlyqqa qarsy strategııany da, is-sharalar josparynyń sáıkestigin de jan-jaqty baqylaý kiredi. Bir sózben aıtqanda, tıimdi komplaens baqylaý kásiporyn qyzmetiniń ashyqtyǵyn jáne oǵan degen senimdi qatynasty qamtamasyz ete alady. Bizde sonymen birge qazan aıynda Nur-Sultan qalasynyń Jemqorlyqqa qarsy qyzmetimen kezdesý ótip, ortalyq apparat pen óndiristik fılıaldardyń qyzmetkerleri jemqorlyqpen kúrestiń jańa ádisteri týraly aqparat alǵan", - dedi Arman Qasenov.

Onyń sózinshe, ishki baqylaý qyzmetine komplaens-fýnksııalarynyń berilýi korporatıvtik ádeptiń ajyramas bóligine aınalady.

"Azamattar bizge tikeleı júgine alýy úshin senim telefonyn iske qostyq, ol aptasyna 7 kún táýlik boıy jumys isteıdi. Oǵan bizdiń qyzmetimizge qatysty kez kelgen suraqpen, sonymen birge jemqorlyq faktileri boıynsha da habarlasýǵa bolady", - dep atap ótti "Qazsýshar" RMK bas dırektory.

Aıta keteıik, Qazaqstanda komplaens-qyzmetterdi damytý jáne nasıhattaý jónindegi Halyqaralyq onlaın-forýmǵa Qazaqstannyń jáne Reseı, Ýkraına, Izraıl, AQSh-tyń halyqaralyq sarapshylary qatysty.

Uqsas jańalyqtar