"Atap aıtar bolsaq, ınvestısııalyq maqsattar úshin 3 jylǵa 20 mln, aınalym qarajatyn alý úshin 2 jylǵa 5 mln teńgeni quraıdy. Jalpy "Damý" qorynyń tarapynan beriletin kepildik 85 %, qalǵan 15% ekinshi deńgeıli bank arqyly óteledi", - dedi Muqanbetjan Kóbegen.
"Damý" kásipkerlikti damytý qorynyń basshysy Gúljan Qalymbetovanyń aıtýynsha, ekinshi deńgeıli bankter men mıkroqarjy uıymdary beretin shaǵyn nesıelerge portfeldik sýbsıdııalar men kepildikter mehanızmi qoldanylady.
"Máselen, osy baǵyt aıasynda kásipker 20 mln teńge bolatyn nesıeni qosymsha kepildiksiz, Damý qorynyń kepildigimenǵana alý múmkindigine ıe boldy.Bank, bolmasa mıkroqarjy uıymy nesıeni 17,5% beredi, onyń 6% kásipker tólep, 11,5% "Damý" qory arqyly sýbsıdııalanady. Jańa mehanızm aıasynda qarjy uıymdary sýbsıdııalaý jáne kepildendirý boıynsha sheshimdi ózderi qabyldaıdy, bul óz kezeginde ótinimdi qarastyrý ýaqytyn qysqartady" , - dedi "Damý" kásipkerlikti damytý qorynyń basshysy Gúljan Qalymbetova.
Aıta keteıik, osy jeńildikterdi alý úshin, aldymen kásipkerdiń nesıe tarıhy tekseriledi. Baǵdarlamaǵa qatysý úshin bankke nemese mıkroqarjy uıymyna júginý qajet.
