Stepnogorsk qalasynda Úkimet basshysy agroónerkásiptik sektor, hımııa ónerkásibi jáne taý-ken metallýrgııa kesheni kásiporyndaryna – "Qazaqstannyń jylyjaı tehnologııalary", "Stepnogorsk" EMK" moıyntirek zaýytyna, pestısıdterdi shyǵaratyn "Astana-Nan Chemicals" zaýytyna, "Stepnogorsk taý-ken hımııa kombınatyna", "Qazaqaltyn Technology" jáne "Aqsý Technology" kásiporyndaryna bardy.
Kókshetaý qalasynda Premer-Mınıstr 200 tósek ornyna arnalǵan modýldi juqpaly aýrýlar aýrýhanasyn, óńirge jetkizilgen elimizde qurastyrylǵan jyljymaly medısınalyq keshenderdi, jedel járdem mashınalaryn qarap shyqty. Úkimet basshysyna óńirdegi sanıtarlyq-epıdemıologııalyq jaǵdaı jáne koronavırýs ınfeksııasynyń jańa tolqynyna daıyndyq sharalary týraly baıandaldy.
A. Mamın qalanyń áleýmettik, turǵyn úı jáne kólik ınfraqurylymy obektileriniń salyný barysymen, iske asyrylyp jatqan jáne perspektıvaly ınvestısııalyq jobalarmen, sondaı-aq osy jylǵy qarasha aıynda ótetin QR men RF aımaqaralyq yntymaqtastyq forýmyna daıyndyq jumystarymen tanysty.
Kókshetaý qalasy ekonomıkasynyń qala quraýshy salalary — mashına jasaý, qurylys ındýstrııasy, azyq-túlik jáne jeńil ónerkásip, kólik-logıstıka qyzmetteri. 2020 jyldyń 10 aıynda qalada ónerkásiptik óndiris kólemi 41,4%-ǵa – 108,1 mlrd teńgege deıin, ınvestısııalar kólemi 1,7 ese – 49,8 mlrd teńgege deıin, qurylys jumystary 1,9 ese – 25,9 mlrd teńgege deıin ósti. Býrabaı aýdanynyń Shýchınsk qalasynda Premer-Mınıstr "IQanat High School of Burabay" mektebine baryp, Býrabaı k. týrıstik ınfraqurylymyn damytý máseleleri jóninde keńes ótkizdi.
Úkimet basshysy Shýchınsk – Býrabaı kýrorttyq aımaǵyn damytýdyń 2012-2020 jyldarǵa arnalǵan jospary aıasynda kózdelgen barlyq is-sharalardy aıaqtaý, sonymen qatar Týrızm salasyn damytýdyń memlekettik baǵdarlamasyn iske asyrý jónindegi jumysty jandandyrý qajettigin atap ótti.
2020 jyldyń 10 aıynda Aqmola oblysynda aýyl sharýashylyǵynyń jalpy ónim kólemi 18,1%-ǵa – 509,7 mlrd teńgege deıin, ónerkásiptik óndiris 6,8%-ǵa – 732 mlrd teńgege deıin, negizgi kapıtalǵa salynǵan ınvestısııalar 23%-ǵa – 297,6 mlrd teńgege deıin artty.
