Baspasóz konferensııasynda sóz alǵan densaýlyq saqtaý vıse-mınıstri, bas memlekettik sanıtarlyq dárigeri Erlan Qııasov turǵyndar sanıtarlyq-epıdemıalogııalyq qaýipsizdikti saqtap, jaýapkershilikpen qaraýǵa shaqyrdy.
"Shekara asyp, ózge memleketterge ushyp júrgender ózderin ǵana emes, jaqyndaryn da oılaý kerek. PTR test ótpegender de ushyp jatty. Ondaıda áýe kompanııalary test nátıjesi joq jolaýshylardy ótkizbeýi kerek edi. Turǵyndar da epıdemıalogııalyq jaǵdaıǵa jaýapkershilikpen qarasyn", – dedi Densaýlyq saqtaý vıse-mınıstri, bas memlekettik sanıtarlyq dáriger Erlan Ańsaǵanuly.
Búgingi táýlikte Shyǵys Qazaqstan oblysy boıynsha 205 naýqas tirkelgen. О́zge oblystarmen salystyrǵanda birneshe esege kóp. Al qazan aıynda koronovırýs ınfeksııasynyń saldarynan qaıtys bolǵandar sany ósken eken.
"Qaıtys bolǵandardyń 6 paıyzy 60 jastan asqandar. Al qalǵany kesh kelgendikten, jan saqtaý bólimine túsken", - dep túsindirdi Shyǵys Qazaqstan oblystyq densaýlyq saqtaý basqarmasy basshysynyń mindetin atqarýshy Raıfa Safıollaqyzy.
Oblystyq densaýlyq saqtaý basqarmasy basshysy orynbasarynyń aıtýynsha, koronavırýs ınfeksııasy shyqqannan beri tósek-oryn 12 esege kóbeıdi. Al jansaqtaý bólimderindegi tósek oryn 11 ese kóbeıgen. Jalpy oblysta 124 reanımasııalyq tósek-oryn bar.
